موقف أعجبني
 

الاخ معتز لك التحيه والله الشي الوحيد المفروض من غير اصدار تعليمات وقوانين بالنسبه له هو الذي الرسمي للوطن الواحد من تلقاء نفسه هو خارج ارض الوطن او داخله المفروض يلتزم بالزي الوطني وصاحبنا الذي حكيت عنه ده لوانا كنت شغال في صاله المغادره اقسم بالله كنت رجعته الواحد داخل دول المهجر هو سفير لوطنه

والله التحية للحكومة السودانية للقانون دة بس ياريت تحاول الحكومة تشوف باقي القرارات........

الاخ العزيز معتز
شكرا لاثارتك هذا الموضوع الهام

فقد أثرت موضوعا جد مهم وهو موضوع الزي القومي ومدي الالتزام به اذ هو رمزنا ودليل هويتنا السودانية المميزة. ,وقد كنت في عام 1997 في زيارة الي الشقيقة سوريا علي راس وفد طلابي من جامعة الخرطوم وفي سوق الحميدية قابلنا احد السودانيين وهويلبس جلابية شفافة مفتحة الازرار وبدون طاقية او عمامة وكان منظرا غير لائق علي الاطلاق وحاول بعض الطلاب الكلام معه. وتكرر نفس المشهد مساء الخميس الماضي في مطار الملك خالد الدولي بالرياض وكان ايضا منظرا لا يشرف الزي السوداني ولا السودان.

وقد كان أحد الاساتذة بجامعة الخرطوم يرفض ان يستقبل طالبا في مكتبه بجلابية بدون عمامة او طاقية علي الافل يقول عبارة جد قوية وهي:

أن الجلابية بلا عمامة هي بيجامة

تسلم اخي معتز...صراحة موقف طريف ....ولكنا ان كنا نريد التحدث عن الاجرأت والقوانين في السودان فحدث ولا حرج....وانا احكي لك موقف طريف....انا في اوكرانيا....فقبل 2سنتين كده كان جاء طالب معانا جديد ...هو ما عارف حاجه في البلد ..فاستقبلناه وكده فوصل بليل ...وفي الصباح صحي بدري(علما بانو ما بعرف لغه)قام طلع الشارع لابس جلابيه...فالشارع كلو وقف وبعاين ليه ...لمن هو شك انو عامل حاجه ...فكان الناس بتطلبوا منو اصوروا معاه...فنحن فقدناه طلعنا الشارع...لقينا واقف ومعاه كميه من الناس...بس اليوم داك اعتزل الجلابيه الي الان.....تقبل مروري.........ودمتم

شكرا جميلا اخي معتز
الزي القومي هو الذي يعكس ثقافة الشعوب فبلاد المهجر وهو يميز الشخصيه ولنا في موضوع معتز امثله حقيقيه واتمنى ان نظهر بجوهرنا الحقيقي قبل الزي الشعبي كسودانيين .. ولكم فائق الود

المظهر يعكس الشخصية والانتماء والواجهة....لكل الشعوب ومن الواجب على كل سوداني ان يعكس ذلك


تقبل مرور معتز حسن
وبنقول مـــدد