:::: منتديات أبو فروع :::: - الامام حيرنا نعمل معاهو شنو

:::: منتديات أبو فروع :::: (http://www.abofru.net/vb/index.php)

- منتدى الحوار العام (http://www.abofru.net/vb/forumdisplay.php?f=2)

- - الامام حيرنا نعمل معاهو شنو (http://www.abofru.net/vb/showthread.php?t=1017)

الامام حيرنا نعمل معاهو شنو

الاخوة الكرام
تحية وتقدير

أمام المسجد المجاور لمكاتب الشركة التى اعمل بها منع دخول عمال التشييد العاملون فى تشيد برج مجاور للمسجد منعهم من دخول المسجد لاداء صلاة العصر وتدخل الاجاويد ومعظم المصلين بان يسمح لهم بالدخول وهو لم يردخ لطلب كل هؤلاء واصر على راية .

لست متفقة فى الدين ولكن باى شكل الدين مابمنع العمال من دخول المساجد لاداء الصلاة لان ملابسهم متسخة واكيد طاهرة .

حقيقى محتار من تصرف هذا الامام وربنا يغفر لنا لان استنكارنا لم يزد من الغضب الداخلى .
وسؤالى هل الامام محق فيما فعل ؟

اقتباس:

المشاركة الأصلية كتبت بواسطة محمد أحمد سعيد (المشاركة 2864)

تحياتي خالي..
والله اعلم..ماآعتقد في سبب لمنع العمال من الصلاه..عشان آثار الاسمنت والطين مايوسخ موكيت السعودين..

الابنة سارة عساك وعيالك بخيرين

الجماعة فى الشركة اليوم متحزمين ومتلزمين للرجل وناوين أفندوا حججوا وبفعلتوا دى ترك أثار سلبية جدا خصوصا لدى العمالة الاسيوية وزملائهم من غير المسلمين صاروا اسخروا منهم كما ذكر احدى العمال لاحد زملائنا من اولاد بلدو

والله ذكرتني بالقصة دي قصة السوداني في السعودية ، قبل بداية الصلاة قال الإمام: استووووا - وبعدين نظر للسوداني وقال ليه أرجع شوية مع الصف ... وتاني أتلفت عليه وقال ليه تعال قدام شوية .. السوداني زهج وقال ليه: إنت يا مولانا عاوز تصلي بينا ولا عاوز تشوت ليك ضربة حرة...

طبعاً مثل هذا التصرف من هذا الإمام ينفر كثير من المصلين وخاصة الآسيويين ويترك فيهم آثار سالبة على الإسلام والمسلمين.
وعندنا هنا إمام مسجد لما يكون مستعجل وعنده مشوار والله الصلاة ما بتكلفه 3 دقائق ولما يكون رايق كده تعال شوف الملمة والقحقحة من المصلين بيقرأ أطول السور... والحكاية بقت تفاخر وشوفوني أنا وصلاحياتي وبس..

ولك الود...