|
وين الناس
الدار بتسأل عليكم
والسطور تتمناكم بخير ونريد ان نطمئن علي سبب غيابكم المنتدي مظلم بغيابكم |
وين الناس
السلام عليكم ورحمة الله وبركاته
حقيقه والله وين الناس ؟ ياناس الحله العامره وينكم وين شايقيه وين كوثر وين عادل على يوسف وين العريس حاتم شنو يا اخوى شهلر العسل ما خلص؟ قالوا البكا ما بحررو الا اهلو وانتو اهل الوجعه والحاره والمنتدى يحتضر وين عبد النعم سعيد وين اخوانه ود الشام اصحى شويه الاسبوع الرابع قرب اظهر وبان عليك الامان وين قدمونا قدمك للنبى وين مختفى وين ود العالم وين شيخ ياسين عليكم الله اظهروا وطلوا علينا حركونا وين ساره وين مجدوب وين بنات عمنا محمد يوسف والله خجلت ليكم ساى قلت النشحدكم ياترى بتردونى خايب؟ |
اهلاً مرغني
سلام وتحيات واشواق مرحب بيك وحبابك والله المنتدى بقى فاضي لولا حكاوي الطيب سعيد وصوره وتعازي الموتى لتم اغلاق المنتدى من جديد الله يكون في العون ويرجع لينا راكوبتنا وصور ابوفروع ومطارحة الاغنية وغيرها من المواضيع الشيقة واضم صوتي لصوتك عسى ولعل العدد يزيد |
وين الناس
اقتباس:
الغالى صديق تحية شوق واحترام وتقدير مشكور على المرور والطله والحكايه دايره ليها شوية صبر والامور بتمشى ان شاء الله |
انا جيت يا خاااااااااالو
|
وين الناس
السلام عليكم ورحمة الله وبركاته
حباب بنية اختى الغاليه يجيك قدم السعد انشاء الله وشكرا للاستجابه وعقبال المدودعويين التانيين ياجماعة الخير مسعولين من الخير وين ساره وبنات عمنا كدى افقدوهن وجيبوا لينا خبرن ان شاء الله طيبه بس |
بسم الله الرحمن الرحيم
السلام عليكم و رحمة الله تعالى و بركاته الشكر الجزيل للأخوة / ميرغني الشايقي و الاخ صديق عبدالرازق و الاخ احمد امام العالم و الاخت اسراء كمال السر على مناشدة الرواد للظهور و نتمنى ان لا نتوانى في المشاركات ولو بالظهور بالاسم لنعرف ان الناس حاضرة و علينا ان لا ننسى وطنا الذي اعتبره وطن النجوم لانكم نجوم في سماء ابوفروع. و ارجو ممن يجد الفرصة من رواد منتديات ابوفروع الاستماع لأحمد المصطفى عليه رحمة الله في قصيدة وطن النجوم في الربط المرفق . وطن النجوم رائعة الشاعر ايليا ابو ماضي ************************* وطن النجوم أنا هنا حدق أتذكر من أنا ألمحت في الماضي البعيد فتى غريرا أرعــنا جذلان يمرح في الحقــــــول مرنماً ومدندنا يتسلق الأشجــار لا وهنا يحــــس ولا ونا ويعود بالأغصان يبريها سيوفا أو قـنا ويخوض في وحل الشّتا متهلّلا متيمّنا لا يتّقي شرّ العيون ولا يخاف الألسنا ولكم تشيطن كي يقول الناس عنه تشيطنا أنا ذلك الولد الذي دنياه كانت ههـنا أنا من مياهك قطرة فاضت جداول من سنا أنا من ترابك ذرّة ماجت مواكب من منى أنا من طيورك بلبل غنّى بمجدك فاغتنى حمل الطّلاقة و البشاشة من ربوعك للدّنى كم عانقت روحي رباك وصفّقت في المنحنى ؟ لليل فيك مصلّيا للصبح فيك مؤذّنا للشمس تبطيء في وداع ذراك كيلا تحزنا للبدر في نيسان يكحّل بالضّياء الأعينا فيذوب في حدق المهى سحرا لطيفا ليّنا للحقل يرتجل الرّوائع زنبقا أو سوسنا للعشب أثقله النّدى ، للغصن أثقله الجنى عاش الجمال متشرّدا في الأرض ينشد مسكنا حتّى انكشفت له فألقى رحلة و توطّنا واستعرض الفنّ الجبال فكنت أنت الأحسنا لله سرّ فيك ، يا سودان ، لم يعلن لنا خلق النجوم و خاف أن تغوي العقول و تفتنا فأعار سدرك مجده و جلاله كي نؤمنا زعموا سلوتك ليتهم نسبوا الي الممــكنا فالمرء قد ينسى المسيء المفترى ، و المحسنا و الخمر ، و الحسناء ، و الوتر المرنّح ، و الغنا و مرارة الفقر المذلّ بل ، و لذّات الغنى لكنه مهما سلى هيهات ينسى الموطـــنا http://www.4cyc.com/play-lrHOi2-5MZM |
السلام عليكم ورحمة الله تعالي وبركاته
وحباب خالي عـــــــــــــدنا |
بسم الله الرحمن الرحيم
السلام عليكم و رحمة الله تعالى و بركاته يذكرني سؤال الاخ احمد امام العالم (وين الناس ) كلمات الشاعر ابو آمنة حامد ( نحن ماناسك), اتمنى ان يحرك ما كتبه ابو آمنة و غناه صالح الضي الرواد للظهور و ادرجه هنا , اتخيله رد منتديات ابوفروع لرواده. لو بتلقى زول بحبك زينا زول بشيلك في عيونو وفي ضلوعو وفي دموعو في ابتاسمتو وهناهو في شجونو ما بنعاتبك لو بتلقى ما بنعاتبك ياما جيناك وياما بابك لوبحس دقات قلوبنا كان حاكلك كان بكالك نحن ما ناسك .. ما ناسك شبابك نحن ريدتك ونحن ماعمرك ليه بتهدم انت في لحظة تجنى البنيناهو في عمر مخضر طويل الدموع في عيونا تتحجر عشانك ما بتسيل وقدر ما نحاول نشيل همك بتتمرض قلوبنا وما بتشيل نحن ما ناسك .. ماناسك انت ما علمتنا الحب بسمة صافية فيها عزة وفيها بهجة بتسجير بعاطفة دافئة نحن عشناها بشعورنا وبعواطفنا الرحيبة انت ما ضيعت أرواحنا في صحارى التيه ما ترجع تجيبها لية تلوعنا وتسيبنا ليه http://www.4cyc.com/play-iy6OF61dUy0 http://www.4cyc.com/play-pRwKl8r1S1E http://www.4cyc.com/play-heb5zD6DDTw |
وين الناس
السلام عليكم ورحمة الله وبركاته
ناشدنا وطالبنا الاخوان بالرجوع للمنتدى فمنهم من استجاب فلهم الشكر ومنهم من طنش واستمر فى تمرده (ولا ندرى اسباب التمرد) شنو ؟ ومنهم من اتى يتاوق ويرجع ده فى امل يرجع تانى بس اظنه محتاج ليه خبر يستفذه ليرجع ومنهم من سقط اسمه سهوا منا ولهم العتبى حتى يرضو ويرجعو واخص بالاعتذار ابنة اخى محمد عوض (تيسير ) التى عاتبتنى لعدم ذكر اسمها فلها العتبى حتى ترضى وحتى ترجع لنا ويرجع لنا صدى قلمها وفكرها النير فيا ايها المعتصمون تعالوا واحكوا لينا اسباب توقفكم يمكن نلقى سبب مقنع نقيف معاكم او سؤ فهم نصححه لكم ابوفروع تناديكم وهذا منبرها فلا تتهربوا من مسؤلياتكم |
وين الناس
السلام عليكم ورحمة الله وبركاته
حبابكم يا الرجعتو واهلا بمشاركاتكم والناس البجو يتاوقوا ويرجعوا ديل حدهم متين مان عارفين والمنقطعين حدكم وين ولمتين ويا جماعة الخير مسؤلين من الخير وين كوثر والله ما براها الا كان فى زول زعلها ان شاء الله المانع خير بس ومنتظرين عودتك لدارك ( مرجوعه فى مسماها ) |
وين الناس ً
|
والله بجد وين النااااااااااس؟؟؟؟
|
ابوفروع الفال وراحت البال وهجعت زول بعد ترحال يقول يا جماعت الخير والله ترانا راجعين وبرضو راجعين . لبيكى ابوفروع لبيك اخى ميرغتى الشايقى مافقدتك شينه لبيك اخى الاصغر احمد امام شعلت النشاط الابوفروعى . تحياتى لكم جميعا ولم يبعدنا منكم الا الشديد القوى . رجعنالكم وكيف نرفض رجوع القمرا لوطن القمارى . تحيه خالصه منى للجميييييييييييييييييييييع . واخص بالشكر الدكتور الطيب سعيد الذى اعاد تنشيط حسابى |
وين الناس
اقتباس:
حمدلله على سلامة رجوعك لبيتك وعشقك ومنوره الشاشه واوعى تسويها تانى بطلى الزواعه والحوامه فى المنتديات التانيه وابقى عشره على بيتك ومنتداك وعقبال ما يرجعن الطاشات التانيات ديلك تيسير وساره وبنات عمنا محمد يوسف كدى بعد اتوهطتى كوسى لينا اثرن ومالن مجافياتننا وحباب عودتك |
يامرحبا ميرغني موجود يكثره
|
السلام عليكم /وين ياشباب مشيتو انتو لسه صايمين ولا شنو غياب تام ليكم عسي المانع خير (نحنا مشاتقين وحاتكم والله مشتاقين كتييييييييير )في شباب كتار غايبين من المنتي ليهم فتره نريد ان نراكم في اقرب وقت |
| الساعة الآن 04:26 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir