|
ما أقساك يا وطني!!!
***** سألتُ وطني لماذا أنت قاس؟ فقال: لكى أصنع منك رجلاً، تماماً كما كان أبي يقول. سألت الهاربون منك إلى اين وإلى متي؟ فقالوا: والله لا ندري ولكننا جميعا عالقون ******* |
.لو سالت العائدون.. لقالو.( ما أحلاك ياوطني.برغم قساوه الزمن.برغم صعوبه المشوار...
|
بلادي وان جارت علي عزيزة واهلي وان ضنوا علي كرام
|
.
اقتباس:
فقالوا: كن كما انت فالوطن ما زال طاردا وسألتُ المقيمين فيه فقالوا: إنه أصبح عاجزاً فكن معلقاً بأمر من أمره بيــــن الكاف والنــــون أتمنى لك ياسارة ولاولادك طيب الإقامة بقدر حلاوة الوطن ورغم مشقة المشوار |
الصديق سلامي وتحياتي لكم وموصولة لعيالكم اقتباس:
لعمرى لا تجور بلاد بأهلها ولكن حكامها يجورون ويجعلون الأوطان خرابا تعجز عن توفير الحد الادني من الصحة والتعليم وتكافؤ الفرص وتعجز عن جذب عناصرها المؤهلة للمساهمه في عمرانها وتقدمها |
ما أقساك ياوطني
إنت بتتكلم عن ايه يا الفاتح يابني وطن بتوع ايه
الامام علي بن ابي طالب قال : الفقر في الوطن غربة والغني في الغربة وطن ;) |
ما أقساك ياوطني
اقتباس:
|
اقتباس:
إن كان القائل هو الكرار على رضى الله عنه وأرضاه عليك التمسك به جيدا؛ سوف لن تضل طريقك للوطن. عالم مطششه بين الوطن والجالسين ع رؤوسنا في الوطن |
اقتباس:
من الواضح ياسلووم بأنك بقيت عاق بالوطن ودي مرحلة متاخرة خلاس اسأل الله الحنان أن يحنن حنيتك لوطن كان حدادي مدادي ومازال حلما كبيرا رغم الفجائع المتلاحقة والهروب |
ما أقساك ياوطني
بلاش نفاق
ماذا تحب في وطنك ؟ امك @ ابوك ؟ ثم ماذا بعد الوطنية او كم يقال في الافلام المصرية عقد بين الوطن والمواطن ايهما اخل بالعقد تنتفي المواطنة السودان صار وطن مش لنا ياعم بلد اغلي من لندن هل تصدق في ذلك ؟ اه من وطن ياكل فيه الناس طعام النمل الرمل الموت يحاصر كل الابواب اه من وطن يسام الناس فيه علي بعض ريال علي فكرة هذه مقتطفات من قصيدة كانت ابان مجاعة 1984:mad: |
اقتباس:
اقتباس:
اقتباس:
لا يعرفون عن أوطانهم سوى وجدو وعمو وخالو... ونفقد مثلك الأمل والتفاؤل في غد مشرق. اقتباس:
اقتباس:
|
اقتباس:
ياخ ما لقيت أي مقتطفات تاريخية حلوة ترفع بيها معنوياتنا شويه :d |
بسم الله الرحمن الرحيم
السلام عليكم ورحمة الله تعالى و بركاته (( سودانّا قد ملّ المــــــلام )) الاستاذ/ الفاتح عبدالله- استجابة لطلبك من السيد عبدالسلام ( اي مقتطفات تاريخية لرفع المعنويات) بعد ان بدأ احتدام النقاش بينك و بينه بخصوص الوطن ارجو السماح لي بالتدخل بمقتطفات من رائعة الشاعر الكبير محمد عوض الكريم القرشي وطن الجدود نفديك بالأرواح نجود .. وطن الجدود نِعم الوطن خيراتو كم يتدفـــــقـــن آن الآوان أن نـُُـمتحـــن في سبيلو لا نطلب ثمن .. وطن الجدود نحن الفداء من المكائــــد والعـــــدا نتمنى ليك دايما تســـود بدمانا نكتب ليك خــلـود .. .. هيا يا شباب هيا ياجنـود هيا حطمــوا هذي القيود .. . . هيا يا شباب هيا للأمام سودانّا قد ملّ المــــــلام حرية كاملة هي المُرام تؤخذ ولا يجدي الكلام حذاري أن وطنك يضام حذاري أن يصبح حطام جهلٌ .. وفقرٌ ..وانقسام فلنتحد ويجب نعــيــــد لوطنّا أمجاد الكرام .. |
الاعزاء عبد السلام والفاتح وحاتم
لكم التحايا كم في الخاطر من اشياء أحب ان أدلو معكم بها ولكن ضيق الوقت والمشغوليات تحول دون الاماني ولكن لكم هذه القصيدة التي درسناها (وأظنكم كذلك في المدرسة ): عصفورتان في الحجاز حلتا على فنن في خامل من الرياض لا ند ولا حسن بينا هما تنتجيان سحرا على الغصن مر على أيكيهما ريح سرى من اليمن حيا وقال درتان في وعاء ممتهن لقد رأيت حول صنعاء وفي ظل عدن خمائلا كأنها بقية من ذي يزن الحب فيها سكر والماء شهد ولبن لم يرها الطير أو يسمع بها إلا افتتن هيا اركباني نأتها في ساعة من الزمن قالت له أحداها والطير فيهن الفطن يا ريح أنت ابن السبيل ما عرفت ما السكن هب جنة الخلد اليمن لا شيء يعدل الوطن هذا عنما كان الحجاز حاله كحال السودان وربما ينصلح الحال وتبقى عصافير السودان فيه مفضلة هجيره على نسائم الغربة رد الله غربيتنا جميعا في أحسن حال وعافية |
ما أقساك ياوطني
اقتباس:
|
الأستاذ/ حاتم محمد دفع الله أدخل طوالي وبلا اسئئذان في أي موضوع مطروح بالمنتدى. فنحن أبناء القرية نكتب همومنا واشواقنا واحزاننا بالكلمات بعد أن كتبتنا اقدارنا وكتبنا القائمين ع الوطن بأن نكون خارج حدوده وكتبنا أنفسنا بعبودية الترقب أبيات ود القرشي حقيقي جات في الصميم و في التايم؛ وفي تقديري إنها إبداع فذ وسباق تقاصر عنه إبداع ساستنا وحكامنا.. فأحالو وطننا إلى فوة بركان ووضعونا ع حافته لنتطاير شظية شظية ... اقتباس:
|
الاخ البروف لكم أطيب التحايا مشاركتكم لنا الحديث هى ما نتمناه رغم مشغولياتكم كما ننتظر دلوكم في مقام الوطن فلا شئ يعدل الوطن اقتباس:
الاشعار تغسل جروحنا وكل منا يراه من نافذته و نرى الحجاز بداية من صنعاء ..يحمل لنا تباشير ميلاد الوطن الذي في قلوبنا وقلوبهم ومعك نتمنى ان يرد الله غربتنا وغربتنا وغربة الجميع |
اقتباس:
عبدالسلام يا صديقى اللدود عندي خيبات وهزائم متلاحقة وواقع مميت وماضى تليد فأخبرني أي مقتطفات حلوة منه تريد وعندى حلم بوطن يحكمه إناس ملهمين مبدعين. همسة :تحاشي السرعة ... فالسرعة قاتلة اتمني لك السلامة المهم كيف كانت زيارتك للوطن؟ |
نورة تحلم بي عمالم زي رؤي الانسان حوالم
بس نور شافت في رؤاها طيرة تأكل في جناها حيطة تتمطا و تفلع في قفا الزول الوراها الاعزاء الاخوة و الابناء وطن بجوع و ما بقدر يشغل و يخلي ابنائه مشردين في مطارات الدول الصديقة و الما صديقه عندو مشكلة و عايزه حل لمن تمشي اجازة و تبقي ذكرة لمن ترقد في اغترابك و تتعامل مع ظروف مجبورة عليها يبقا انسان تائه ده تفكيري يا الفاتح و يا عبد السلام حلمنا نكون في وطنا و الوطن يكون بامكانيات تعيش فيها بي كرامتك في ناس في السودان و مناهم يمرقوا يعني يغتربوا يحسنوا ظروفهم كده الوطن بقا منفي لانوا الحلم بالمنفي و الاماني بقن حلم بالمنفي اكتر من انو حلم بالوطن طيب الحل وين الحل الوطن يبقي بامكانيات تستوعبنا كلنا يا اخي كيف زول جيعان يحس بي وطن و الا اي حاجة تانية الجيعان عندو بس احساس بالجوع يعني جيبك ملان قروش اتكلم عن كل شي لمن تكون تعبان و مفلس ما بكون عندك هم غير هم انك تلقي البسد رمقك و رمق اسرتك في جوع احساس مافي و البسد الجوع وطن يتسع للجميع و يا حليلكم يا الاشتراكين |
ما أقساك ياوطني
يا ود العم سعيد
سلام من الله عليكم ينصر دينك يا عبد المنعم الوطن يجب ان تحمله اينما ذهبت عندما لا يكون طاردا المرحوم الطيب صالح له مقالة في العام 1991 يقول فيها : ان اهل الجنوب يهربون الي الشمال وان اهل الشمال ينزحون الي اي بلد يأويهم ما رايكم :d |
أستاذي عبدالمنعم الله يحييك وبالعافية يبتليك ومن كل شر يقييك ما ذكرته هو (عين الواقع) وهو اصدقنا بأنو اقتباس:
اطرافها سلطة حاكمة شبعانة وفاقدة الإحساس بالمواطن إختارت التعامل معه بواقع ((جوع كلبك يتبعك ويخدمك) ومواطن محكوم جائع أيضا فاقد الإحســـــــــــاس بالوطن أختار لأحلامه في الوطن الهروب للمنفي. العامل المشترك بينهما(فقد الإحساس).... ودا التوهان ذاتـــــــــــــــــــــــو. والمنافي برضو بقت طاردة وبعضها بدأت بالتململ من إستيعاب العنقاله من أمثالي والحالمون بمنافي سعيدة مدى الحياة من أمثال عبدالسلام ومن لف لفه نورة علمتنا إنو الفقراء بقسمو النبقة؛ وإنو الجوع بنختارو عبادة. ولما الجوع يبقى مفروض علينا لازم تلهمنا إحساس متسامى بالوطن وفعل نقدر نتجاوز بيهو واقعنا. وتصحح المعادلة ... وللاوطان في دم كل هالك يد سلفت ودين مستحق وخصمتك بالنبي تكون قريب من كيبوردك. |
اقتباس:
اقتباس:
يازوووووووووووووووووووووووول بصمة حدها الموت ولا بد من التصالح مع واقع الوطن |
تعااالوا نغنى غنى الايااام الجايه كتير ونفرح بيها سماء السودان تعالوا نلم الوان الطيف الفى الخرطوم ابناااء شعبى والفى امدرمااان تعالوا نفكر ايه البيحصل فى السودان الجوع.. المرض.. الخوف الشك عدم اطمئناااان هد الانسان تعالوا نقعد نحسب خطونا من ما اخدنااا ا...لاستقلال لحدى الآن.. اتقدمنااا ولا اتأخرنااا اتأخرنا ولااا اتقدمنا.. سؤال مطروح لى كل فئه من فئة الشعب بالف سؤال: دم اجدادنا بيحرض فينا على الحرية وبيذكرنا عشان ما نحافظ على وحدتنا الوطنية بس مكتسابتهم بصراعاااتنا وبخلافاتنا دفناها وبقت منسية... حقو نشوف من وين بتجينا مشاكلنا ومنو البيعطل حركة شعبنا بالزندية ونجيبوا ونحاسبوا بعدالة وبديمقراطية انا شايف الجوع بيطل من وقت لاخر ليه!! وبلدنااا سهول اطفال بيتشردوا فى الطرقات وبياكلوا الذل ومنو المسئول والحرب لعينة وممتدة وبتحصد فينا ويا للهول ويا للهول وبلدنا الغاليه ام الخير فيها كمان ظهر البترول اشياءنا بتنتاقض وفى الواقع نحنا كتير وكتير بندور فى الحلقة الواحده كما البندول.. نكسرها كيف!! الحلقة الواحدة دى نكسرها كيف!! ونمدها جسر يوصلنا والدنيااا عجول.. يا حكامنااا الدنيا عجول ياساستنااا الدنيا عجول يا جنرالتنااا الدنيا عجول يا ساااداتنا الدنيا عجول
كيف الحل يا جماعة |
ما اقساك ياوطني
النبقة المطلوب قسمتها دي ذاتها وين اكان في نبقة
كنا طلعنا من السودان؟ الشى التاني يا ود عبد الله لحد الان الحلم مجاني اطلق لعنانك ان تحلم لولا الحلم ما طار الانسان ولا ركب سيارة ولا وجد علاج لامراضه ف انا ادعوك لتحلم .:d |
الاخوة الكرام
السلام عليكم ورحمة الله وبركاته متابعين للحديث الشيق وبث الهموم والبحث عن مخرج لما نعانيه لعمري ماضاقت بلاد باهلها ولكن اخلاق الرجال تضيق الغريب انه بلادنا من اكبر البلدان ( قبل التقسيم ) ارض واسعة ومستوية ,, ومياه كثيرة ,, وامطار غزيرة ,, وثروة حيوانية يعني مفروض نكون سلة غذاء العالم بدل ما تتسل روحنا عشان لقمة العيش وعشان تتسع بلادنا باهلها لابد من فكر جديد وعقلية جديدة في كيان جديد يوفر للجميع الحد الادنى من الصحة والتعليم ومساواة في الفرص الوظيفية دون محاباة او محسوبية وبلادنا ما قاسية بل واسعة تسع الجميع كما اتسعت من قبل لغير اهلها من رشايدة وزبيدية ومصريين واريتريين وهنود وغيرهم |
قدمونا يا هندسة شكرا على مداخلاتك التى لامست أوجاع الكثيرين منا وضغطت ع الجرح النازف مني. الخير كثير ووفير في الوطن...والجميع يرتع في شجرة النبق ولكن أين القوي الأمين ؛وأين التوزيع العادل وأين نحن من معادلة الفاسدين والحرامية والمرتشين والأرزقية وأين نحن من معادلة أبجديات الوجود بكرامة أدمية في وطنا في ظل أنانية وقهر ((العُصبة الحاكمة أولى البأس**)) أسئلة الماضى في الوطن هامة جداً للعبرة والعظة والإعتبار وأسئلة المستقبل في الوطن تحتاج لرؤى سيدنا يوسف. وواقع الحال يحتاج لسياسين وحُكام مُبدعين ولإلهام الأنبياء. و نحن بين البين تائهون في غربتنا (نومتنا) أتمنى ويأخذ منا التمني والرجاء أحياناً عمراً كاملاً أن ندرك لحظات ميلاد الوطن التاريخية والفاصلة قبل أن نهرم أوتنسل روحنا حتى لو بالحلم... وحتى لا يقول أبناؤنا أو نقول يوما ما وطن لله يا محسنين |
اقتباس:
هل تعتقد أن الباقين في الوطن بتقسمو في اللالوب؟ ويا أخى بدل تدعوني للحلم المجاني كان تدعو ربنا إنو يحقق حلم ودعبدالله الغلبان دا وبقية الغلابة المعاهو (دي برضو دعوة مجانية) |
يقال أن أحسن خطاب قيل في التاريخ السياسي كان خطبة الرئيس الامريكي جون كينيدي وأن أحسن عبارة جاءت فيه:
" لا تسأل عما يمكن لبلدك من أن يعمله لك بل أسال عما يمكنك عمله لبلدك؟؟؟؟؟؟؟؟؟؟ "ask not what your country can do for you ask what you can do for your country" وكما قال الشاعر: وللأوطان في دم كل حر يد سلفت ودين مستحق فما سلف لا يمكن حصره. فقط يحتاج الانسان لقليل من التفكير الايجابي ويتحاشى التفكير السلبي المحبط والذي ما قدم بلدا ولا أرسى تنمية ولا رفع من مستوى معيشة. ويمكن الفرد الواحد أن يسهم بما تحت يده من إمكانيات ولو كانت بسيطة ويغير الواقع المحيط به ولو عمل كل واحد قادر على فعل ما الشيئ البسيط فإن مجموع ذلك كبير؟ بالمناسبة عندي سؤال للاخوة: ما هو الوطن؟؟ |
سلام و تعال يا الفاتح انتا ود عمي ده زي المتفق معاك بس تحت تحت كده انتا داير تزنقو في مربع ضيق اوعا الود بقا مؤتمر وطني
اها يا عبد السلام إن بقيت مؤتمر وطني بحكم اني ابن عمك لو لاقيتك حا اجضمك حا اجضمك سامع! المهم و بالواضح حكاية تعريف الوطن دي هو شنو الناس اسع مختلفة فيها و تعال شوفوا في ناس عندهم جنسيات تانية و جوازات تانية فير السودانية اسع شفعهم لو اديتهم واحد من بيوت ناس عمر البشير في كافوري ما بجيك يعيش في الشودان يعني الواحد قاعد في امريكا الملاينة حسنات و عيوب يجي يعيش في السودان التعب و الملاريا و الجوع و التعليم البقا تحت ياخي و الله حالة تطلع الزيت زاتو انا شخصياً اولادي براهم اختاروا انهم يقروا و يعشيوا في السودان و السودان يبقا ليهم وطن ده اختيارهم و احترمتوا ليهم بس امكانيات انوا يعيشوا احسن كانت ممكن تكون خارج السودان الان. يعني اختيار الوطن صعب مافي زول بختار امه و ابوه كمان الزول مرات ما بكون عندوا امكانية في اختيار وطن كمان الانتماء دي قضية تانية صعبة و الاصعب كيفية الانتماء يعني باختصار نحنا عندنا قضية القضية اننا في وطن ما عندنا الخيار فيهو العندنا الخيار فيه كيفية الانتماء للوطن نحنا زمان اخترنا الاشتراكية و كان الكلام عن انه القضية الاساسية هي قفة الملاح المدارس التعليم الصحة المسكن الكريم الجماعة طلعوها شيوعية و كفر طيب النرمي الشيوعية و الكفر و النعاين للعدالة الاجتماعية و هو موجودة في الاسلام بس القضية كل زول شبعان بنظر في كيفية الاحتفاظ بي الشبع بس لحسن الحظ فقد روي عن سيدي ومولاي عليه افضل الصلاة و اتم التسليم حديث بسيط ما ملأ ابن آدم وعاءً شراً من بطنه، بحسب ابن آدم لقيمات يقمن صلبه، فإن غلبت على الآدمي نفسه، فثلث للطعام، وثلث للشراب، وثلث للنفس" أخرجه الثلاثة والحاكم وصححه و كما قال الحارث بن كلدة و هو من الاطباء فان المعدة بيت الداء . يعني الشبعبانين ديل و احسب اننا منهم يعني المغتربين شفانا الله و اياكم اكلنا الكتير السمح ده كلو مرض. و الجوع امتحان و امر المؤمن كله خير. يعني الشغلانة فيها امتحان للفير و الغني للجائع و الشبعان للحاكم و المحكوم انا ما عايز اكتل القضية بس سيدنا عمر رضي الله عنه روي عنه و الله اعلم انه قال يقابل القدر بالقدر يعني لو الحاكم ظالم لاقي قدر ظلمة بالصبر عليه او بمقاومته و لو جيعان تلاقي القدر بالمكافحة من اجل الرزق او الصبر عليه و كله خير غايتو انا جربتا الصبر و جربتا مقاومة ظلم الحكام و كله عايز صبر تعرفوا انا دخلتا في متاهه بس برضو ما حا اسحب المداخلة اخليها كده بي تشتت افكارها |
ما اقساك ياوطني
ود سعيد سلام عليك
تعرف ما بيني وبين المؤتمر الوطني مثل المسافة ما بين الفقر والغني:rolleyes: |
فاتح والمتداخلون - الكرام , سلام من الله عليكم . نعم . عالقون .. عاقون في منفى الغربة التي لا النفس راضية بها ولا الملتقى من أشياعنا كثبٌ . وكما نحن عالقون فمن هم بالداخل أخي عاجزون , نعم عاجزون وحالتهم يُرثى لها . نعم فاتح إنه الفساد الذي إستشرى ثم ساد فأزكمت روائحه النتنه الأنوف , إنهم يقودونه أي - الوطن إلى المحرقة بعد أن جعلوه على شفا الهاوية ! لذا أخي فلنناجيها , وللنناديها علّها تستجب وتأتينا فتريحنا مما نحن فيه ومما نحن قادمون إليه ! لقد حاولت أن أجسد صيغة ندائي لها في هذه القصيدة التي قام بتلحينها الأستاذ الحبيب / أبوعركي البخيت : تعالي قريب ...ومدّي ..ايديك ما تخبيو ... جمال حسّك .... وما تدسيو .....بريق .....عينيك فِضلنا ...سنين ...و منتظرين نستناك.. ....نعاين ليك نفكّر ....فيكي ...لازلنا نفكر ...فيك ...نهارنا ......وليلنا كلا......وحاشا .....ما نسيناك سألنا ...عليكي ...مشتاقين سألنا ...عليكي ...طيننا ونيلنا حورنا .....وبورنا .... ياست جيلنا بإزميلنا جسّمناك يا حسرتنا في نُص زحمه ودّرناك ضيّعناكي ... ما لقيناك وبرضو ....فضلنا ..منتظرين نتاوق ..ليكي ..لا زلنا نموسق ..نحنا ...ألحانك ننقرش .. .نحنا ...جدرانك نهاجر نحن ....في شانك تعالي ...وجيبي أشجانِك تعالي ...يا مُنية ...المُشتاق تعالي ......نرتّب ..الأوراق نتبتب ...لطفل ..نعسان كايس النوم وما لاقيهو شان ...عيّان تغالي نلِز ...حصين فترت تعالي ..نقُش ..دموع نزلت وتمسحي دمعة العدمان بمنديلك ويفرحو كل ...بنات جيلك تعالي ..نفرَح ..الأطفال مع الشُفّع تعالي ...بدون نقول ..لِسع تعالي ....سريع ...كمان ..هسّع تعالي نخلي ..بهماتنا ..الصغارترتع تعالي ..نخلي ...تربالنا العفيف ..مُثقل يشيل ...طوريتو ..والمنجل .. يشب ...لى فوق يقوم يزرع تعالي ندوّر ..البابور تعالي...نشغِل ..المصنع تعالي ....نطلِّع ..الألغام تعالي ...نوقِّف..المُدفع تعالي ...نغني ...لبُكره تعالي ..نعيش ..صدى الذكرى تعاي ..قريب ..ومدّي إيديك ما تخبيو ..جمال حسّك وما تدسيو ...بريق عينبيك ------- الفاتح الحلاوي - جده 2007 |
ما اقساك ياوطني
السودان يلوح بفرض عقوبات علي بريطانيا
ان لم تتخذ الاخيرة إجراءات جادة في شان النزاع القائم في ايرلندا. الخرطوم ترسل تعزيزات امنية لمنطقة شمال المسيسيبي والناقلة الحربية (اللعوتة) تصل المياه الاقليمية في البحر المتوسط لوقف حمام الدم في ايطاليا . انهيار لناطحة سحاب بشرقي مدينة (حجر الطير) . فوز فريق العيكورة علي فريق برشلونة الاسباني 1/ 0 . اكتشاف طبي جديد: اكتشاف علاج جديد للايدز في السودان من نشارة الدوم سقوط قمر تجسس سوداني في البحر المتوسط والخرطوم تنفي إمتلاكها له. السودان يحث دول الخليج على الوفاء بسداد ما عليها من ديون مستحقة له . فوز الفلم السوداني (السخلة الزرقاء ) فيى مهرجان كان السينمائى. إفتتاح مترو الانفاق الجديد بين الخرطوم ومدني . خفر السواحل السوداني يحتجز سفينة محملة بمهاجرين المان. واخيرا العمال الاماراتيين يشكون من تعامل الكفيل السوداني معهم . هذا من صحافة العالم هذا المساء . ايه رايكم برضوا السودان تعيس ؟:d |
تحياتي اخي عبدالسلام
حتى الان وزير دفاعنا ما عارف الضرب السوناتا شنو ( طيارة والا صاروخ ) تقول لي قمر تجسس سوداني !! |
اذا سخرت منا صحيفة العالم او غيرها فلا نقول لهم الا كما قال سيدنا نوح عليه السلام(إن تسخروا منا فإنا نسخر منكم كما تسخرون) و نحن يا شباب شئنا ام ابينا هذاهو بلدنا البقبلنا على علاتنا مهما جنينا في حقه. لما سخر القوم من سيدنا نوح لم يستسلم بل كان على يقين من انقاذ ربنا له وكان يصنع في الفلك نحن ما بنصنع لينا فلك ولكن ممكن يكون لينا دور ايجابي في الحياة لتعمير بلدنا بدلا من ان نتضجر منه و عشان تعرفوا انو نحن ادينا الساخرين الفرصة للسخرية , قبل شهور كان في اشعار(تنبيه) على منتديات ابوفروع لصيانة مدرسة البنات مرحلة الاساس و كانت الصور مرفقة لتوضيح الحالة التي تعاني منها المدرسة , كل انسان عمل نائم , هل منتظرين عمر البشير يجي يصين لينا مدرسة بناتنا التي تكون بالنسبة لنا بمثابة البنت والاخت و ام الغد (بل بمثابة الوطن اجمع ). هل منتظرين وزير الدفاع ان يدخل ليحل مشاكل العوائل الخاصة التي صارت تمثل ظاهرة غريبة في السودان صار السلاح فيها موية النار التي تنصب في وجه المسكينة دون ذنب .
كل انسان منا يفترض أن يمثل دوره الايجابي على الوجه الاكمل لدرء السخرية ؟؟؟؟ نحن في حوجة لتاهيل واعادة صياغة المجتمع وقفة- يقول احد المفكرين: ( إن الاستعمار لا يتصرف في طاقتنا الاجتماعية، إلاّ لأنه درس أوضاعنا النفسية دراسة عميقة، وأدرك منها موطن الضعف فسخرنا لما يريد، كصواريخ موجهة، يصيب بها من يـــشاء، فنحن لا نـــتصور إلى أي حـــــد يحتال لكي يـــــجعل منا أبواقاً يتحدث فيها وأقلاماً يكتب بها)** ( يقال ان المعاناة تولد ابداع لكن يظهر ان هذه المقولة يستثنى منها الانسان السوداني لذلك انا اجاوب ضمنيا لسؤال سأله قبل اليوم عبدالسلام عبد العزيز و الكل اعتصم عن الاجابة حينما قال عبدالسلام: هل الشعب السوداني مبدع وخلاق؟ انا بقول ليه مقطع من اغنية بتقول :- (حاول يخفي نفسه و هل يخفى القمر في سماه** ابدا لا و طبعا لا شفناه شفناه ** ابدا لا و طبعا لا شفناه شفناه) |
اخي حاتم ,, تحياتي
نحن في السودان متوكلين على الله من غير ما نعقل البعير ( اعقلها وتوكل على الله ) سيدنا نوح عليه السلام صنع الفلك وتوكل على الله - يعني اعدً العدة التي امر الله بها (( واعدوا لهم مااستطعتم من قوة )) و |
ما اقساك ياوطني
الاخ صديق عبد الرازق
لك عاطر تحياتي واسرتك الكريمة حتومه كيف حالك طبعا ده شغل عمر البشير مال شغلوا شنوا ؟ عمر بن الخطاب قال لو عثرت بغلةفي العراق لسئلت عنها مدرسة البنات دي في بوركينا فاسو ولا في السودان ؟ ثانيا نظرية المؤامرة النحن عايشين فيها دي لو ما نسيناها ليوم القيامة ح نكون متخلفين صدقني العالم في واد ونحن في وادي تاني خالص. مش نحن في دولة الاسلام والعدالة ما شايفين اي حاجة .:confused: الشاعر قال ترجوا سبل السلامة ولم تسلك دربها إن السفينة لا تجري علي اليابس |
الاساتذة الافاضل د. ابوذر وعبدالمنعم سعيد
والاخوة/ صديق وحاتم وعبدالسلام والأخ/ الشاعر الفاتح الحلاوي اشكركم بعمق مفرداتكم في مشاركتي الحديث وتحقيق نقلة نوعية لمسار حديث الوطن الشاعرية والإحساس والواقع المخربش المعاش ومعاكم مازلنا نتتلمذ وسأعود لمداخلاتكم الثرة. جمعتكم مباركة لحين عودة |
حالة بائسة قتل وخوف ومذلة ومهانة وحرمان فكم أنت قاس يا وطن |
الاخ الفاتح ....... التحايا والاشواق ....... اصبح النفاق صفة ملازمة لكل مسئول فى بلدى ..... نفاق ... نفاق ...... ونفاق ...... نسال اللة الهداية للجميع وان يولى علينا من يصلح .
|
ما اشبه الليلة باالبارحة
|
| الساعة الآن 03:48 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir