|
رساله الى...........
زمان كانت الرساله شي مهم جداً بين المحبين
وغالبا ما كان وقعها فعالاً خصوصا وان ساعي البريد كان ياتي بعد زمن هذا اذا لم تتدلل المحبوبه وتوقف الرسائل الى فتره ليحترق المسكين صعوبة ارسال الرساله كانت كبيره فالبنت لاتستطيع ان تقول لاهلها عاوزه ارسل رساله لحبيبي ولاتستطيع الذهاب للبريد غالبية الشعر انصب او تناول الرساله مافي حتى رساله واحدة رائعة الدسوفي وابداع المرحوم الجابري وكثير لكن الان البنت تستطيع ان ترسل رساله Msn, smsووالدها او امها فوق راسها وممكن تكلفها هللتين ترى هل سيكتب الشعراء في الرسالة ثانية 000اظن مافي داعي.... ولا رايكم شنو!!! |
سلامات يادكتور
والله انا احسن ان الرساله اهميتها وتاثيرها بما تحويه.. كان ارسلت في صندوق بريد ذي زمااان ..او في موبايل ..او بالنت ابدا" اهميتها واحساسها ما بتغير وتقبل مروري. |
اقتباس:
ساره انا ما قصدتا محتوى الرساله.. اقصد هل الشعراء اللي كانو بكتبو عن الرسايل (سابقا) قبل عصر الانترنت والموبايلات ...والرسايل هل ح يقدرو يكتبو تاني زي زمان او رد الفعل ح يكون شنو...,هل الاحساس ح يختلف؟!! تسلمي على المرور |
بسم الله الرحمن الرحيم
مبدأ كل شئ عظيم الاخ الدكتور محمد تحياتي واشواقي انت يادكتور بتفتح في جروح صعب جدا علاجها موضوع الشعراء البكتبوا في موضوع الرسائل دا فرع من شجرة كبيرة قدر الكون دا كلو واكبر بي كتير واضيف علي سوالك هل شعراء الساحه اليوم كلهم شعراء ؟ وممكن يكتبوا في كل المواضيع ؟ ودي عشانك يادكتور هفت لي كم هفت اشوف حين الشمس رفت اقول حمي البلد خفت ايادي الظلم اصطفت الاقي السلم يتقصد ينابيع الفرح جفت الاقي امومه تتلفت هدوم اولادا ما كفت أبي شعبي يدا من جرحت تبت مع الحاصل دا حنواصل وتملا العين وتتحبا كما صمت البحر صمتك كذلك جامح الهبه شديد اللهجه يوم تغضب تقوم العاصفه تتعبا اكيده وماني بتنبا هناك قصيده تتخبا حتكبر بكره تتكلم و وسط اللمه تتربا |
تسلم كتير يا ابوسفيان يا رائع
بس انا بتكلم عن الرسايل تسلم على المرور |
اقتباس:
حكابه شنو رسلئلك المافي زول فهم قصدك؟ كدي التجيك بنت خالك د.ميسون بعدين سجلت معنا راجع منتدي الاهدات |
بسم الله الرحمن الرحيم
مبدأ كل شئ عظيم دكتور اديك العافيه يابه يادوب انا شيطاني جابه حليل ايام الرسايل وايام شبابه حقيقه فهم السؤال نصف الاجابه وكتير اتكلموا في الموضوع دا زي الطير المهاجر والزول الودوه مرسال وما جاء وحبيبي اكتب لي وانا بكتب ليك (الحاصل بي انا شوق وحنين) قدامك واحد من اتنين ياتجيني تكون علي قلبي حنين يا (رساله) تطفي نار البين ياتسيبني افارقك بالمعروف يكفيني معاك انا ضعت سنين ويا ما كتب الرائع حميد رسايل للوالده وكذلك الرائع اسماعيل حسن و و و و الموضوع بصراحة يادكتور كبير وخطير ومثير وتسلم ودي برضو عشانك الناس الصابرة سنين بالحال الما دغريه القابضة الجمره في ايده والجمره تلهلب حيه لا قادره الجمره تقيده لا قادره تولع هي ياقلبي بلاش تستعجل ياقلبي شويه شويه علمني الشوق نترجل نستحمل وجع الجيه عقبال الخير يترادم والدنيا تمش دغريه شكرا حبيبنا حميد |
تسلم كتير يا ابوسفيان انت كده معاي في الخط
الووو الووو ساره ....راجعي الشبكه في تنزانيا |
ود العمة
مرهبابك موضوعك لذييذ؛وأقول، ربما كان الانتظار بسبب ـتاخير ساعي البريد أو دلال المحبوبة كما ذكرتـ يؤجج نار الشوق التي (تنضج) قصيدة فتخرج للعالمين دافئة بدفء مشاعر صاحبها. كن ذلك (متطلبات مرحلة) مضت , ولكني لا أظن الشعراء سيحجمون فلكل مقام مقال ,فبدلا من طول الانتظار و( مافي حتى رسالة واحدة) قد تصبح بعثت رسالة اس ام اس عشمان في ضميرو يحس بعرف الشوق دة مابنطاق يعرف الريدة مابتندس يبرد لي نار الشوق يرد برسالة ام ام اس ... وهكذا.. (بعض) الشعراء برضو عايزين ياكلوا عيش,,, ولاكيف؟ سلامات للاهل والعمة |
اقتباس:
|
شنو ياسارة
ميسون انت جيتي ادخلني ماسنجر خلي الزوله دي تنداح شويه وتتحفنا بالروائع بتاعته دي ودمتن ودامت روعتكن |
اقتباس:
انا قصدي ارسلها ف الخاص جبتها بي جاي خطاء(صلحناه) الزوله عندها مشكله كي بورد عربي اظن .بتحلها وتجيكم ..بروعتها وروعتكم اتوقعت ردك يكون تعلق علي شعرها في الرسائل الحديثه ال اس ام اس |
حرقني جرتك ليها ونحن ما صدقنا انها
افتكرتنا وخشت المنتدي بعدين رسائل ال اس ام اس لا عندها طعم ولا حس حليل ورق الفلوسكاب البهز ويرز ولما تجيك مليانه بالكلمات تحس انك العريس في يوم العرس |
حليل ورق الفلوسكاب البهز ويرز
ولما تجيك مليانه بالكلمات تحس انك العريس في يوم العرس.....ههههههههههههه والله يا ابو سفيان يا حليل زمن الجوابات لكن الحب بي التكنلوجيا ده ما جايب حقو..... |
بنت الخال الغاليه
د.ميسون نورتي البوست وتسلمي على المرور |
شكراً محمد التلب
دنيا غدارة حارقة الجوف تباعد بين حبيب وحبيب تقول مخطوف وارسل ليه في مظروف ااحلى حروف مكتوبة في اس ام اس ظريف وخفيف ولو طالت ام ام اس مع الصورة ودمتم بكل الود |
اقتباس:
ورساله اليك..ايها الغائب..اين انت؟ |
| الساعة الآن 11:30 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir