|
وارحمتاه
بسم الله الرحمن الرحيم
اخى كاتب واسوداناه اذا لقيت واحد بيساعد فى التانى بقروش /مقطّعوا ظلط /شايل معاهو حاجة / بيوصف ليهو وهو ما بيعرفو ا اكيد انت فى السودان لو شفت ليك لمة نفير (دى ما فى الا فى السودان ) ولو لقيت شاب قام لى بنت او مراة كبيرة او حاج من مقعدو اكيد انت فى السودان ولو لقيت ناس بتدى الشحادين اكيد ح تكون فى السودان ولو لقيت واحد بيحلف على جماعة يعزمهم حاجة اكيد انت فى السودان لو شميت همبريب بارد ده اكيد اكيد السودان لو مشيت فى الشارع دون ان تسمع الفاظ نابئة او بذئية اكيد انت فى السودان والامثلة كثيرة ارجو من اخوتى الذين يذكرون المساوئ ان يتطرّقوا للمحاسن |
سلامات ود ابوفروع..
(لو لقيت ناس في رمضان بتفطر في الشارع وتوقف عربات المارين..وتصرعليهم ان يفطرو معهم ).. تبقي اكيد في السودان |
لو لقيتوا جماعة بيحجزوا ليهم شكلة اكيييييييييييد ديل فى السودان
ولو لقيت ناس بتزق فى عربية عطلانة اكيد انت فى السودان بلد المحبة والسلام .اللهم جنبنا مساوى العولمة والانفتااااااااااااااااااااح |
لو احتاجت (امراه )لمساعده عاجله ..وتوجهت لاقرب جار..او حتي سيد الدكان بالا استاذان ..
تبقي اكيييييييييييييد ف السودان |
لك التحية اخي مجدي
والله كلامك دة كلو حقيقة وللاسف الان الان في بعض المدن وحتى القرى بدا يندثر لزحف روح المدنية الزائفة علينا الجابت معاها تطلعات وتقليعات وعادات جديدة علينا والمدنية خلت ناس كتار تلبس توب غير توبة....وان شاء الله السودان يتغير الى الحسن |
لو شبت حريقة وخمدت النيران قبل ناس المطافى يجو اكيد ده السودان.
لو سمعته نسوان يحلفن بالشيخ فلان وعلان اكيد ده السودان. |
لو لقيت الناس كيمان كيمان ماشين على عزاء فلان انت اكيد في السودان...
لو دخلت بيت جيرانكم عشان تاكل لانو الغدا في بيتكم ما نافع معاك تبقى اكيد في السودان.. لو جاك جاركم عشان تنوم في بيته لانو مسافر تبقى اكيد في السودان... |
تحياااتنا
مجدي أكيد انت في الامارات وااااااااا غربتاااااااه |
على القول
السودان سمح بي أهلووو |
بس وبس وبس ,,,,,,,,,,وتاني يسمو في حاجه
|
ونحن كان ختيييييينا التماسيح ما بتجينا عوجه
|
بس هم كملوها وقعدوو
|
ود التلب سلامات..ماتجرجنا وررررراءك بالصفحات.
|
لمن تنقل وتنقذ مريض بدون تنتظر سيارة إسعاف ... أكيد انت في السودان
لما نكرم وندفن موتانا في نفس الساعة وبدون جرجرة وإجراءات .......... مافي شك إننا في السودان لو عندك مناسبة كره أو فرح ... تلقى الكشف مدووور ومغطي .. أصلاً ومافي شك إنك سووووووداني |
أخى محمد التلب اكيد كنت زهجااااااااااااااااااااااااان
لكن طلعت حسنات كيمان كيمان من السودان |
الحسنات يزهبن السيئات
|
| الساعة الآن 01:19 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir