|
النسي قديمو..تاه..(من الامس.اشياء .واسماء)
وجدت الصوره دي (للسعن)وكان نفسي اضعه في الراكوبه ..بس للاسف نسيت.هل يستعمل لحفظ الماء .؟ازكر انه يحمل فيه الماء في السفر بالدواب واظن انه يستعمل لصنع الروب.؟(مامتاكده.ومن سالته لم يفتيني بتاكيد.
لتكن سانحه لتنزكر الاشياء والاسماء القديمه قبل ان تندثر.كل من يدخل يورنا كلمه من (كلام زماااان) ومعناها.او اشياء كانت(او لازلت. تستعمل في بعض المناطق) بس جيلنا بداء ينساها فيما ماذا يستعمل (السعن).وانشالله ما اكون اخطات ف الاسم؟ http://www.sudaneseonline.com/u/Picture208.jpg |
بسم الله الرحمن الرحيم
مبدأ كل شئ عظيم العزيزه / ساره الربط بين الماضي والحاضر زواده ممتازه لمستقبل جميل فالسعن اختي العزيزه كان وما زال تسخدمه حبوباتنا واماتنا في هز الروب ليستخرج منه السمن يصنع من جلد الغنم ويربط بحبل ليعلق في الراكوبه او الشعبه اما الذي تحمل عليه الماء فتسمي قربه |
اقتباس:
والقربه تشبه السعن لحد كبير ..انا افتكرتهم شئ واحد يمكن ان يستخدم في لحمل الماء وهز الرب..(في الحالتين معا) قبل ماتمشي اديني كلمه او حاجه قل استعمالها الان لنحافظ علي التراث من الادنثار مثلا (الريكه.).تستخدم لوضع الكسره ومصنوعه من السعف.. يلا كل من يدخل يورينا حاجه جديده..(والمصححين يبقو قراب لو حصل خطاء) |
بسم الله الرحمن الرحيم
مبدأ كل شئ عظيم المشلعيب كان يستخدمه اهلنا قديما قبل التلاجات والديب فريزرات يعلق في السقف ويوضع فيه اللحم والملاح حتي لا يتعفن |
فعلاً النسى قديمو تاه
في كتير من جيل التسعينات مابيعرف حاجة من القلتوه ده ودي فرصة للتعريف بتراث بلدنا http://www.arab7.com/up/file/1193072288156.jpg ثلاجة الزمن القديم...المشلعيب مصنوع من سعف النخيل في شكل بيضاوي يعلق على سقف المطبخ أو (التُكل) أو الراكوبة بواسطة ثلاثة إلى اربعة حبال وتعقد في شكل شبكة وتثبت في السقف.. ويستخدم لحفظ المأكولات والالبان وهو بمثابة حماية لها من الكلاب والقطط والحشرات وحفظاً لها من دخول الجراثيم.. وما زال هنالك من يستخدم المشلعيب خاصة في المناطق النائية.. وقد عرفته كردفان وقبائل البقارة كديكور في غرفة العرسان، وبعض القبائل استخدمته كتعويذة لطرد الارواح الشريرة بوضع (اطباق) فوقه داخل هذه الغرف. المدهش ان الطعام الذي يحفظ في المشلعيب لا يتسبب في أية اصابة بالتسمم وهو وسيلة اقتصادية في ذات الوقت باحتفاظه بما تبقى من الأكل بدلاً من التخلص منه. |
شكرا ساره علي لثلرتك تلكم الزكريات الجميله واليك بعض المعلومات
الكسيده ______ تصنع من القصب الرقيق وتستخدم لجلوس العروس عليها الككر _________ مقعد صغير يصنع من الخشب السحاره ____ دولاب خشبي قصير بابه يفتح لاعلي المعراكه _____ يمسح بها الصاج لنظافته من البقايا الطايوق____ شحوم الحيوانات المركزه ايضا تدخل في صناعة الكسري الدوكه _____ هي ايضا لضنع الكسري اللدايا___ وهي حجاره توضع تحت الصاج تخريمه اللدايه منها ايضا الضحك علي الناس مثل ان يقال(فلان راسو زي اللدايا)) ونواصل باذن الله |
البرش: سجادة من الحصير للجلوس او الصلاة عليها .التبروقة تقريباً نفس المعنى
|
زيادة
القفة هي انا من زعف لحمل المبيعات من السوق الفندك هو وعاء يهرس فيه البهارات وغيرها |
مشكور ين كل الاخوه المتداخليناحمد دياب مع اننا جيل واحد الا انك تفوقني علما ومعرفه بالتراث(ماشالله)
(الكسيده ,,والدايا..) اول مره اسمه بهم ----------------------------------------- اخي صديق عبد الرزاق مشكور علي الاضافات القيمه.. الفندق ده ما بتنسي مهما اتطورنا بالسحنات والخلاطات..قدحه الثوم مابتتعمل الا الفندق. |
ازيكم وكيف حالكم وخلونى اشارك بالاتى :
اللُمّاصة : الموية البينضفوا فيها العجين اللاصق فى القرقريبة الدانكلى : ملاح البامبى الكارجيقل : ملاح القرع الدردقو : البطيخ الصغير عقاب السوق الخرتاية : قطعة قماش شكل الشنطة توضع فى ضرع الغنم لكى لا يرضعها صغارها المخلاية : اداه للتسوق تصنع من جوالات البلاستيك الوحواحة : خلطة شطة بالليمون والتبش او العجور . اظن كدة خائف اكون لخبتت الملحات اذا غلطت صححونى |
اقتباس:
ماشالله مصطلحات معظمها اندثرت..مشكور علي المرور |
مجدي فاجأتني والله اتارنك زيي انا تربية حبوبات
نواصل القوقايه ___ لفرز حبوب القطن من القطن ليصبح ناعم المترار____ اله من الطين ونوع من الخشب الرفيع لصناعة الخيوط من القطن صحن الباشري ___ صحن كبير توضع فيه العصيده للمناسبات السلوكه ____ تصنع من الخشب وتحفر بها الارض لوضع البذور الزراعيه الاتايه ___ موضع الجلوس لاهل المنطقه خاصه الكبار منهم ونواصل |
اقتباس:
|
اقتباس:
اقتباس:
صححو يا مصححين ماهي ..(الوحواحه)..او اللاحوسه |
مشكور جدا اخي مجدي لاحياك للتراث وتزكيرنا باشياء تكاد ان تكون معدومه ومظم الاجيال الحاليه لا تعي مظم الاشياء التي ذكرت:::::::::::: الكابدلو ويصنع من الجلد ويستخدم لحمل الاغراض عند السفر ::::::::::المحراكه ومصنوعه من الحجر وتستخدم لطحن الذره وتتكون من حجرين :::::::::والنطع ويصنع من السعف وتتستعمله النساء للدخان::::::::
|
اقتباس:
|
اقتباس:
|
الجراية ....تسخدم في الزراعة للحفر للتيراب
من الابرول ابت تطلع من الواسوق ابت تطلع الواسوق اداة لرفع التراب وتقطيع الارض للزراعة |
النجّامة : اداة يدوية لقطع الحشائش
الترّاية : الارض اللينة / المبلولة الشعفوفة : المطرة المصحوبة بعاصفة الامينة : قائم خشبى فى نصف البيت لتثبيت المِرِق . المرق: اداه خشبية من الدوم / النخيل او السنط يوضع عليها العروق الخشبية ثم السقف البنبون : صفق البصل المسمس : صفق البصل الصغااااااااااااااااار الدقاق داك . البنقلو : مركب خشبى صغير لشخص واحد الطرور: مركب صغير من الفلّين تحية طيبة للمشاركين و للجمييييييييييييييييع ونواصل |
بعض الاسماء القديمة التى قلّ استخدامها حاليا :
عجبت وده اسم امى طبعا -- صبر طيبة -- فضلو واسع -- شبك النور -- شميتى-- غنيتى --السُرّة -- هدايا /خالتى . بشّة -- ام حقين . عجبين -- المسك -- ام قصور -- نعيمه -- بشيرة -- ضوينا -- ضو البيت -- الجاك-- خير السيد --خير الله --سالمة -- عاجبة --التاية -- ام بخت -- النخيل -- يلا ياشباب والشابات العندو اسم حبوبة كدة قديم اليطلعوا لينا ولكم الشكر اجزله |
لكن يا مجدي طلعت اسماء حبوبات من الامس...ونذكر ايضا...
الشباك --وام رخام--قسم الله-- |
والله يا ابو اصطفاء اكتر من رائع وهاكم بعض الالفاظ القديمه وكنت بسمعا من حبوبتي بتول بنت العرش عليها الرحمه
الويقود__ الحطب الكع __ ألحق إنكرب __ اسرع الفا __ الحق به العوافي __ سلامات اهجرو __ اضغطه تخريمه __ شخصيتان لم اراهما فقط كنت اخاف من سيرتهم ولعلكم كذلك (( الدودو )) (( ود ام بعلو )) كانوا يخوفوا بهم الاطفال يا اخوانا البعرفهم اديني خبر بالله |
اقتباس:
اقترحت البوست ده لتوثيق التراث وبقيت ذي( العويره) ماقادره اضيف شئ غير الشكر |
00
تسلمي ياسارة وحاشاك العواره __(( حاشاك يعني خاتياك )))
|
الاخت سارة الروعة انك تبتكرى والله اياديك ولمساتك وابتكاراتك فى المنتدى يراها الاعمش
الف حاشاك . الحمد لله تمتلكين كرسيا ساخنا وراكوبة ومدينة تراث صغيرونة لسه فى بداياتها . الا تلاحظى انك كلما طرقت بابا سلكه الاكثرون . الشكر يديم النعم . عندنا الزول كان عزم ليه ناس وونسهم بيقولوا برّاى ( كلامو كتير) عشان كده اسالى والناس بتجاوبك الكبار كتاااااااااااااااااااااااار ربنا يحقق المقاصد |
اقتباس:
ترجمت لي (براي ) قايلني حنكوشه ولا شنو ؟..بالمناسبه انا بتزكره معظم الاسماء والاشياء من الامس ..بس ما بقدر اسردها .(من راسي).الا زول يقولها بسرعه بتزكر ..ومعاكم نتزكر فالزكري تنفع المؤمنين |
سمعناها قديما ولم نراها :
حليمة ككو : سحار قونيب ، العفريت ، البعاتى ، من الكلمات القديمة : الكعكوول : صمغ متجمع فى شجرته الخُـرّيم : ثمار الحراز التمبل بى : نوع من الحلل القليبة : اداة من السعف لنقل التراب توضع على الحمار ( نقلت بيها الحلة دى كلها ) |
سلام عليكم
بقولوا ( تجيك ام كلعلع ماهي ام كلعلع دي ) |
سلام عليكم تاني
[ الغول / السعلوة ] ديل شنو وكمان في حاجه تانية بقولنها الحبوبات ( الخميسات ) |
سلام عليكم والله والموضوع شيق والمشاركات من ةالاخوان والاخوات ادتو طعم تاني وتراث زمان جميل وطبعا في اشياء سمعنا بيها وشفناها وفي حاجات سمعنا بيها وماشفناها وفي حاجات لا سمعنا بيها ولا شفناها . اضيف ليكم الاتي:-
1 - الهبابة - وتستخدم في هب نار الفحم 2- الكراشة - وهي خلاطة الطماطم وتصع من علب الصلصة او علب النيفيا 3- المعراكة - تستخدم في مسح صاج عواسة الكسرة 4 - التبروقة - وهي مصنوعة من السعف وتستخدم للصلاة 5- الحنفية - هي ماسورة الموية 6- اللداية - هي عدد تلاثة طوبان توضع في شكل مثلث ويوضع في منتصفها حطب او فحم وهي بديل للكانون والكانون هو البتجاز الحالي |
اقتباس:
والله الحاجات دي بنسمع بيها ..وللاسف ما عارفينها..انشالله يجي زول يذيدنا علما بها ==================== صالح سلامات .مداخلات قيمه..مشكور وذيدنا كمان |
الاخوة اوالاخوات بمناسبة اللدايا اديكم دى :
حناكيش ماشين نزهة للنيل الازرق بالجريف ولمن وصلو القيفة، واحد منهم شاف ليك الطيّانة والعربجية ومنظر اللدايا والنار من تحتها واتى احد العمال وكب موية فى الحلة الزرقا ديك واخونا الحنكوش يعاين مستغرب. بعد دقيقتين اداها دقيق و حركها بعكاز وقلبها فى شوال بلاستيك وسخّن موية تانى واداها ليك شرموط وويكة وبهارات وصاح للجماعة ارح الغداء . قالوا للحنكوش اتفضل قال لا لالالا شوكرن خاليص . جماعتك بداوا ياكلو ، حنكوشنا صاح للحناكيش : تعالو شوفوا ديل بياكلو فى شنو . حناكيشنا شافوهم وبعد جماعتك حلصو اكلهم قال الحناكيش للحنكوش يلا نمشى . قال ليهم انتظرو شوية . قالوا ليه منتظر شنو قال منتظرهم يموتو ا |
اقتباس:
ههههه.. (بوست لنكات من الامس). بالمناسبه .في نكت من الامس ؟بصراحه ماسمعت من حبوبات نكت..اتعودنا علي (الاحاجي) فاطمه السمحه..و....,لوفي زكرونا معاكم |
مجدي وساره حضوركم الجميل زاد هذا البوست اشياء طاعمه وياهيثم الحاجات القلتها دي خلينا اركب ((كبسولة الزمن )) واديك خبر
|
الاخوة النوادر احمد وعماد وود عبد الرازق والاخت الفضلى سارة السارة: كيفنكم
اغانى قديمة فيها تراب : يا عقد الجواهر يالضواى وباهر الخليتنى اهتف بحبك واجاهر التانية لنجم الدين الفاضل : سمعتها سنة 75 ماشى اولى ابتدائى قالوا قطعة سكر سكر قلنا احلى وانضر ايه نعومة المخمل واللا عود الصندل قومى ياتاجوج شوفى مين السمحة الباقى اسالو منو الاكبر مننا |
مجدي لو حافظ اغنية (( لون المنقه الشايل المنقه)) معناته حكايتك صعبه
|
تصدق يا مجدي واحمد بدون لغب لمن قريت مداخلتكم
قلت الناس ديل قلبوا البوست لكن رجعت للعنوان لقيت الحكاية لافقة الظاهر كدة حيكون البوست دة اجمل محطات المنتدي |
بسم الله الرحمن الرحيم
مبدأ كل شئ عظيم هاكم دي حب حبحاب حبوب حبة زمن يا جماعه النار واقده فيكم زي لهيب ولاعه البوست العجيب ما تم ليو كم ساعه أتملا بالدرر ناعمه وحروف لماعه انفجرت قلوب طفحت تقول بلاعه من كتر الكلام طاقاها نقص مناعه |
رائع ابو ابراهيم
|
الاخوة والاخوات الكرام بنو الكرام
السلام عليكم ورحمة الله وبركاته اخى احمد دى اغنية البلابل الفريدات فى عصرهن ولن تلحقهن اللواتى أتين بعدهن . youtube بتلقى فيه العجائب لكن سمعتها وين ومتين يا ابوحميد ؟ الظاهر انت سامى دياب( دبيب قديييييييييييييييم . الاخ هيثم والله لا نقصد التشرذم والشلليات لكن كلنا اخوةواخوات والكل يقرأ للاخر ( ما بتاعين فرز ) بنرد طوالى والبتعجبوا حاجة بيشكّرها وإلا............ بينتّف ريشها حسب فهمنا وقدرتنا . الاخ ابو سفيان ابراهيم .يديك الف عافية وانت تجود علينا بابياتك الرائعة وياريت تشاركنا فى الاشياء والاسماء القديمة ( تراثيات ). |
| الساعة الآن 12:42 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir