|
زواج جماعي بابوفروع
يا اعضاء منتدانا الحبيب سلام من الله عليكم كتر الحديث عن العزوبية لشباب المنتدى والعذابة كتار فى الحلة الله يخفف عليهم ويفك كربتهم ، ياريت لو تتبنوا مشروع زواج جماعى وهذا مجرد اقتراح ، ولا رايكم شنو؟
|
[size=5]موافقققققون ملييون في المائه..[/size]
|
(ههههههه)اخيرا ياعادل اعترفت بيها ياريت والله علي الاقل الشباب كلهم يهمو
وراي انا فكرة كويسة جدا ويلا همو...تقبل مروري |
ياود علي يوسف موافقين وابواتنا في الحلة سهلو عليكم المهور الكتيرة وبعد كدا الباقي علىك يالزابة . وقلنا بنقترح قروش فتحة الخشم الييدفعوها لي ناس العرس يدوها ناس العروس لاهل العريس . اها بعد كدا عندكم حديث ؟
|
حلوين ياشباب الفكره جميله وانا بقترح انو عادل يكون في اول دفعه وعلي راس الركب
|
عين العقل اخى عادل . والله الناس لو تعى حديث رسولنا الكريم صلى الله عليه وسلم :( شراركم عزّابكم وارازل موتاكم عّزابكم ) ما تاخرت يوم على الزواج . ربنا يوفق الجميع ويبارك لكم فى الفكرة التى نأمل ان ترى النور قريبا .
|
يا عادل اخوي والله القريه ما محتاجه للزواج جماعي لانو تكوين لجنه تسهيل الزواج بمثابه الطرح الذي قمت به ولله الحمد اللجنه تعمل وفق الاقتراحات التي طرحت يعني بالعربي كل شي في الزواج محدد ابتداء من المهر الخ والدور والباقي علي العزابه يشدو حيلهم شويه ويتحركو وفي ظني مافي واحد جاء باستطاعتو رجعو ا ؟ والحصل ليهو موقف يحكيهو:::::
|
با لله عليك ماتخجل والله الزواج ساهل ما يحتاج تسهيل اكثر والله ياعادل ماباقي للجنه الا يمسكوك من يدك ويدخلوك
|
بارك الله فيك أخى مجدى وجد مبدع واشكرك على مرورك وتشجيعك علي الفكرة.
|
اشكرك اخى عماد على مرورك لكن يا خوى الموت مع الجماعة عيد وفكرة الزواج الجماعى تسهل على الشباب الكثير وتبرهن على اتفاقنا وتوحدنا لباقى القري ولنفوسنا نحن ايضا واتمنى ان ينجح هذا المقترح وهذا يغير الكثير ويعنى لنا ان ابوفروع قادره على فعل الاشياء الجميلة والحميدة ، يا أخى عماد (الايدو فى الميه ما زى الايدو فى النار). أظن مفهوم.
|
هلا بالزواج وياريت كل عزابي اتزوج واتمني ليكم يالعزابة مليون مرة ان تدخلي القفص الذهبي وياريت تجدوا وتتقدموا لبنات الحله
|
الى قدوتنا وواجهتنا فى القرية ومنتدانا ، اظن مشروع الزواج الجماعى ما عجبكم ، شايف رد من الكبار ( عماد محمد الماحى ) ما عجبتوا الفكرة منتظرين رايكم (فتح بله )،( ابوذر ) (محمد احمد) (عبد المنعم) (محمد الهادى) (الطيب سعيد) (يسن ) و لا ينطبق فيكم كلام جحا قال بعد ما مرقته من بطن امى انشاء الله تنسد.
|
يا عادل
الناس دي كلها مع الفكرة ,, وإن شاء الله التنفيذ كمان بس عاوزنك إنت وهيثم الزين (باعتباركم شيوخ العزابة في الغربة :D ) تدقوا صدركم وتسجلوا أسمائكم وتكونوا من أوائل العرسان ، والسيرة والفنان مني |
شكرا ليك يا ابو اواب ، لكن هيثم شيخ العزابة، وانا أصغر منو .
|
الزواج فى ابوفروع سهل ممتنع . وانا اذكر عندما تم تحديد المهر بخمسة وسبعين الف . واحد اتزوج بى 40 الف بس والله من احسن البنات واجملهن . ياجماعة لو جبت ود الامين او مايكل جاكسون . او ضبحت 100 ناقة او بلح وكركدى كلو واحد فى النهاية التوفيق من الله فاسالوه ان تنجح مقاصدكم .
|
اشكر الاخ عادل علي طرحوا موضوع مهم جدا بالنسبه للزواج ويله بنات الحله ماعندهن والله مشكله انتو بس مصعبين الموضوع وخايفين مااهمكم فلان عمل وفلان عمل والله الواحد لو ماعندوا البنت ترضي بيهو لكن المشكله فيكم انتو وحاولوا حلوها وابدي ليهم ياعادل وبسط زواجك ونشوف
|
Badr sami أحيك اخى على مرورك الجميل وياريت اليوم الزواج يكون باربعين خمسين لكن هذا كان فى عهد قديم يا ريت يعود، واشكرك على مرورك.
|
شكرا ليك اختى هناء على تعليقك وعكس لنا شعور الجانب الاخر وهو البنات ويا ريت يتم هذا المقترح وتحل مشاكل الكتير من الشباب والشابات . وشكرا لك مرة ثانية على مرورك. وانا ببدأ انشاء الله.
|
أشكرك أخى عادل على هذا المؤضوع وانا اليوم كنت عأيز أطرح المؤضوع دا في المنتدي وشكرا تقبلو مرورى .......
|
ياشباب عادل قال هو ببدا ونحن منتظرين عادل متي يبدا
|
اقتباس:
بالمناسبه عندو ودعمو (ود التلب ) خاطب ليه سنه وبتزاوق..نجيبو في زواجنا الجماعي في ابوفروع |
| الساعة الآن 10:48 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir