|
انا جديد
انا وداعة الشايقي ود ابوفروع وجيت مشترك جديد
بتقبلوني يااخواني وانشاء الله اقدر اكون اضافه حقيقيه للمنتدى العامر باهله وانا في انتظالر اراءكم عني |
حباب الشايقي بين اهله وناسه
يلا ورينا فنونك وابداعاتك والمنتدي شكله سخن بالاضافات القويه دي ابقى لاجوه ياالشايقي |
حي الله اخونا الشايقي...طبعا انا بهنيك اول واحد لاني غريب زيك
(همسة) ما تزعلو شباب (انا و ود عمي على الغريب) |
اهلين وديع والبيت بيتك في انتظار اثراءك للساحة السياسية
تخريمه ___ ((ماعليك من السباعي في واحد اسمو زي اسم اغنية فنان كبير حالف عليهو)) |
|
مرحبتين حبابك الشايقي بين اهلك وناسك ونحن في انتظار اسهماتك وانا بقول ليك انشاء الله تكون جبت معاك تمر يقضي كل الناس
|
مرحب بيك وبزيارتك المنتدي نور كلو زينة
وطبعا انت معروف لدينا لكن لازم الناس الباقية تعرفك ويلا انحت راسك لانك زول ما ساهل وكلس(حنك) http://img48.imageshack.us/img48/643...ower348jq4.gif دي هدية خاصة وما لقيت لي عنبلوك في الفريق http://img47.imageshack.us/img47/2922/chocolate3dl6.jpg |
في اثنين شايقية رسلوهم الى الأنتفاضه لقوهم بعد شهرين يبيعو ثلاث أحجار بدولار هههههه
مرحب بيك اخي وداعة وفي انتظار مساهماتك |
شايقى وجعلى اتنافسو . الجعلى غلب الشايقى قاموا قالو للشايقى اطلب ليك جائزة لكن بندّى الجعلى زيّك مرتين . قال ليهم قدو لى عينى دى .
اهلا وسهلا بك وداعة الله حسن وداعة الله عبد الرحمن زغل باشا لازوغلى والمنتدى نوّر بوجودك يا ودييييييييييييييييييييع |
ما شاء الله يا مجدي لسة فاكر الاسم نحن لينا 5سنين مع الزول دة ما عارفين باقي الاسم
|
ماغريب على ابوفروع تلك الجميله الوادعه المرحابه المبتسمه على كل مقبل اليها ترحب بشخص من محبيها لدرجة الوله وهنا اتزكر كنته فى ونسه مع الوالده زبيده الله يطول عمرها قالت لى جايه من الخرطوم لما الحافله وصلت ابوفروع دموعى جرت من غير مااشعر ولها العزر فكل من عاش فيها احبها عارف اخوى قال الواحد بكون مضايق مابرتاح الى بعد تظهر بيوت الفكى الامين كنته ناوى الدخول لمنتدى من فتره لكن الواحد ينتابه موجه من الخوف عندما يطلع على الاقلام العصيه فى المنتدى كيف له ان يحاورهم امثال د\ابوزر احمد الفكى والاخ الطيب سعيد ورفيق الغربه هيثم الضليع حقيقى قامات تتصاغر امامها الهامات واعقب على كلام اخى السباعى انا وانته لسنا بغرباء عن ابوفروع لانها تستقبل كل شخص ولا يشعر فيها بانه جسم غريب عنها ولا تشعره بذلك واعقب على كلام اخى صديق وقول له تهمة لانكرها وشرفا لاندعيه وهنا تحضرنى طرفه عن اهلى لى عم فى الخرطوم اراد زيارتنا فى ابوفروع تصرف وركب القطار من محطة الشجره الى الحصاحيصا ومنها ركب مواصلات ابوفروع لخفض قيمة التزكره بتعقيبك اخى مجدى تزكرت الفريق البيت الكبير وزكريات الطفوله واكرر شكرى لكل من استقبلنى ورحب بى وانشاء الله اكون عند حسن الظن
|
مليييون مرحب بيك يالشايقى
البيت بيتك وفي انتظار ابداعاتك ابقي لي جوه...ولي قـــــدام |
حباب (ود ذبيدة) في منتداك وبين اهلك وعشيرتك ، دعيناك منذ زمن بس اظنك خايف ليك من ولد من الحلة ما عليك بنحمكيك منه؟ وراسك مليان فصاحة ياريت تغرقنا باسهاماتك ومشاركاتك، ويا هلا بيك يا عريس الموسم.
|
|
الاخ العزيز
وداعه الله حسن وداعة الله الشايقى اولا السلام عليكم ورحمة الله وبركاتة وتحياتى لاسرتك الكريمة ونحن بحكم الوجود فى فريق واحد اتذكركم جميعا اولا والدتك الكريمة الحاجة زبيدة وقد كنت اشاهدها مجاملة لاهلنا جميعا فى الافراح والاتراح ووالدك حسن كنت اشاهدة حامل عامودة وماش لبيت البكاء وكنت اقابلة كذلك فى بيوت الافراح يعنى انتم شاركتونا الافراح والاتراح وابوفروع كلها شاهدة على ذلك وانا اعطيك انت اثبات شخصيا على ذلك شاركتنا وساهمت معنا فى بناء الفصل الدراسى الاول وكذلك ساهمت معنا فى بناء الفصل الدراسى الثانى واسمك موجود فى قائمة المتبرعين فانت مننا والينا واهلا بيك فى بيتك ودارك ولاتحتاج لمن يقدمك لنا وفى انتظار مشاركاتك واسهماتك وعبرك تحياتى لاسرتك الكريمة وللاهل جميعا |
حبابك الوف السيد الوديع وانته ما غريب انته ود الحلة اسحب التعبير
والله كلامى غلط ومنتظرين مشاركاتك وانا اعرفك جدير فى التعليقات والتعبير وفقك الله 00 |
احب احى واشكر الاخوان الطيب سعيد وهيثم الزين وعادل على يوسف وخالد محمود بترحيبهم بى مما ادخل السرور الى نفسى واعقب على كلام اخى الطيب سعيد فى الوقف مع بناء الفصل المدرسى واقول له ده واجب وياريت الواحد يقدر يشارك اكتر لانه مدراس ابوفروع انا درسته فيها من تانيه ابتدائى حتى الجامعه وكمان اخوانى وللاوطان فى دمى كل حرا يدا سلفت ودين مستحق وابوفروع وطنى اقولها بكل فخرا واعتزاز
|
الف مرحب بيك انت ليس بغريب عن ابو فروع
الدار دارك معروف اخي بثقافتك العاليه يا ريت ما تبخل علينا ومنتظرين مشاركتك لك كل ودي وترحيبي |
| الساعة الآن 12:13 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir