يا جماعة الخير جهزت والله . والشربوت فى الطريق .

ملف مرفق 158 بكترابته والشطه والليمون جاااااااااااهذه وما فيها اى موجب

انتو كيف تجو .

ههههههه والله ياكوثر ماقصرتي تسلم يدك يارب وبالهنا والشفا

والله ياكوثر برنامج المنتدى دا مزعلني شديد

مساكم سعيد
أنا قاااعد
الشربوت عاوزة الضبيحة يا ناس

خخخخخخخخ والله لكن جنس نوم تقيل لما تلقو الراكوبه ولعت فيكم
تحياتي للناس المختفيه

نهاركم سعيد

حاضررررررين

الأخ الأستاذ مشرف
تحياتي ، وكلمة المرور الجديدة في الإيميل

*****

الأخ عماد
نتمنى أن نشوفك ونرى مشاركاتك
وسلامة الوالدة

تشكري يا كوثر

وأخونا محمد عثمان ضاااارب الفيس مع الشباب

ياريت يرجع من جديد
تحياتي يا قيصـر

http://www4.0zz0.com/2012/03/25/10/283877599.gif

ماشالله ان شالله مجتمعن في الحرم والله ي كوثر فاقدنك وعايزة اتصل عليك وهالة ويييييين؟
لسة ي هيفاء كمبيوترها بايظ وتيسير ...وكل الغائبين
انا مشغووولة جدن في البيت وفي الشغل وشكلي كده ما اح اقدر اكون متواجدة الا فترات متقطعه
مواضيعكم جميلة ..توزيع اراضي ابوفروع والخط السكنية ان شالله ربنا يهيئ لها الاقوياء الامناء من ابناء الحلة لو تابعوها ما بيضيع حق وراءة مطالب..
الزواج الجماعي/تيسير تكلفة الزواج في عدة مقترحات اتقالت زماان فتشو ي اسراء في صفحات المنتدي بتلقيها اظن بعضها تككل بالنجاح ممكن الناس تعيد التجربة تاني..
رائئ شخصي بحبز الزواج من خارج الاسرة / لتكن قرابة بعيدة شوية يعني ما في مشكلة بنات ابوفروع يتزوجو من الحصاحيصاء /البطاحين او الصداقة والعكس..وكل قرئ الجزيرة اهل تربطهم حاجات مشتركة..
عيد الام وما ادراك ما الام....احس ان كبار السن هم اكثر احساسا وتاثرا" من الاطفال ان تعرضو لظروف صعبة ادت ان يودعوهم دار العجزة..عكس الاطفال في دار المايقوما..بيلعبو ويضحكو في عيونهم براءة وان كانت حزينة..بس في عيون الاباء والامهات في دار العجزة (دمعة متحجرة في المقل واخري تنساب بطول النيل او تزيد) احساسهم بالحزن مضاعف لانهم عاشو حياة وسط اولادهم شريط زكراها دوما" امامهم..ام الاطفال فلا زكريات تنقص عليهم حياتهم وان كانو الاثنين ضحايا لحاجات كثيرة..
في قلب النص:سالت صديقتي باستغراب كيف يسمح قلب ابن ان يترك والديه في دار العجزة مهما كان السبب؟
فاجات :التربية...اساسة خطاء او فيها جفاء...وعدم احساس بالمسؤلية
ثم اردفت ,اسة الامهات البيود اطفالهم من عمر شهور للحضانة...بعدين اولادهم بيودهم دار العجزة طواللي
لانهم مااخدو حنان كافية ولا ارتبطو بامهاتهم واباؤهم مقارنة بارتباط أجدادهم بوالديهم
استنكرت الملاحظة..وان كانت فيها شئ من الحقيقة ..ولا رايكم شنو؟؟
http://www4.0zz0.com/2012/03/25/10/330441301.jpg

مرحبتين سارة
وما شاء الله مذاكرة مواضيع المنتدى والراكووبة في الفترة الماضية

طبعاً ، حكاية دار العجزة دي أصلاً ما قادر أستوعبها ولا تدخل رأسي
وين الحنيييييية وين الطيبة ، البيت بشيل كل الناس والبأكل اتنين بأكل عشرة
ليه الناس بقت قاسية كدا؟؟ والله لما أقرأ موضوع زي ده ما بتخيل الكلام ده في السودان

بس للأسف ده الحاصل ، والحمدلله ما وصل للقرى ومحصور في الخرطوم

ربنا يديم التواصل والرحمة بين الناس

سلام وتحايا بالمليون سلام لأعز ناس في الكون
يسعد نهاركم ياناس ياأحلى من الشهد ياورد

=،
اهلللين ي معتز ..متابعة شديد الجهاز مفتوح موجودة زميلتي وبمش وبج اعاين )
حكاية دار الضوء حجوج للعجزة ما كلها مشاكل مادية..ولامن عدم الاكل البكفي في البيت وأن كانت غالبيتها كزلك.بس في حكايات اشخاص وضعهم المادي كويس جدأ..والاجتماعي ممتاز من اسرة كبيرة وفي شخصية معروفة لها علاقة بالسياسه ايام مايو..(وقاعد في دار العجزة بيجو يزوره اولاده وناس معروفين وفناين)
وحكاية واحد قضي اكثر من ربع عمره في الغربة..واولاده أتربو حتي دخلو الجامعات هناك
حينماوصل الاب سن المعاش ونفسيا" ما قادر يعيش/يشتغل في برد وجليد الغربة رجع السودان اولاده حاول يجو معاه شهر بس غلبهم يقعدو وارتباطاتهم بي بلد المهجر اقوي واتزوجو واولادهم ارتبطو بالدراسة هناك لازم يرجعو ..اه الجد حاول يمشي مسقط راسه في (القرية) .قابلوه بي ترحاب وحفاوة اهل الريف وقالو ليه( :نعم بنتزكرك صاحب جدي فلان خال امي واخر قال ليه :وسمعنا بي ابوي قال انتو قريتو مع بعض.ويمشو يتركوه براه في البيت القديم.ماعندهم بيه ارتباط شديد لان ما كان عائش معاهم.)يرجع لي بيت الخرطوم الكبير اولاده بيزوره شهر كل سنة او اثنين..قال بدل يقعد براه احسن دار العجزة علي الاقل يلقي ناس يتونس معاهم.لو احتاج شئ يلقي شخص قريب
http://www14.0zz0.com/2012/03/26/06/122791747.gif

إذيكم والله مشتاقييييييين الاخبار والجديد؟:confused::)

أنا زاتي ما بسيبها
وبرضو عاوز أعرف شمار أبو محمد !!! وحبااابه ألف

موجودين معاكم

هاشم الدليل دا النوريك ليهو يا كوثر وحالتي انا مابعرف ناس الحله
الدليل دا ود ست العيله وامه ناديه عبد الله يوسف

كلام كوثر صحيح ، وياريت العضو يعرف بنفسه
وفرصة الناس تعرف بعض هنا والألقاب مغطية على الاسم الحقيقي لبعض الناس

جبنتكم جابتنى من الخرطوم..وهسى انا شايفكم قاعدين تحت الراكوبة المفروشة بالرملة ومرشوشة بالموية العذبة
وشايف حبوبة كبيرة ومشلخة قاعدة معانا عشان تحلى الجلسة وتحكى لينا عن الماضى السمح
انا جبت ليكم فشار وتمر عشان تحلى القعدة اكتر واكتر
ليك وحشة ياابوفروع الجميلة

مويتكم سمحة واحلى من عصير القصب ..بتشيل الهم وبتروح التعب.. ومع جبنتكم الامتحانات جات ساهلة ومافى شى صعب.. وربنا يبعد عنكم كل مكروه وشئ كعب
انا ود هاشم ود حاج الطيب اختى استاذة هويدا وهانية

هاكو الفنجان دا واشربوه بالهنا والشفا
( إذا أغلقت الشتاء أبواب بيتك
وحاصرتك تلال الجليد من كل مكان
فانتظر قدوم الربيع وافتح نوافذك لنسمات الهواء النقي
وانظر بعيدا فسوف ترى أسراب الطيور وقد عادت تغني
وسوف ترى الشمس وهي تلقي خيوطها الذهبيه فوق أغصان الشجر
لتصنع لك عمراً جديداً وحلماً جديداً .. وقلباً جديداً )
رايكم شنو فى الفنجان دا

فنجـــان كارب يا الطيب

اولا الاخوه والاخوات في منتدي ابوفروع العامره بيكم الواحد لو غاب من اخوانه المفروض علي اقل تقدير الناس تفقدو الحاصل عليهوشنو وهذا من سمات التواصل في المنتدي ولكنكم اخواني واخواتي طبقتم ‏‎ ‎المثل القايل البعيد عن العين بعيد عن القلب انا طولت من المنتدي حوالي4 سنين واول ماجيت قلت امشي علي الراكوبه القي لي زير بارد اشرب منو وبعدها اشرب لي فنجان جبنه والله دخلتي للراكوبه الازيار فاضيه وعده الجبنه مجدعه ووسخانه بيني وبين نفسي قلت الجماعه ديل فاتو هجليج ولا شنو

http://a5.sphotos.ak.fbcdn.net/hphot...56818466_n.jpg

العزيز عماد حفيد حاج الماحي
الزير مليان وتوي معبي اقداحي
وفنجان بت يوسف بخليك صاحي
رجع العمده يا نفسي روقي ارتاحي

مشكور اخي سفيان تسلم علي الاستقبال الرايع وهذا من اصلك