|
اتفضل يايوسف جبنتك حاضره دائما كحضورك
|
لك الشكر الجزيل....لكن بين وبينك كده انا مسافر ....خايف لمن اجي راجع تعملوا لينا محاكم واقسام وقصص....ونحن ما وش البهدله دي....بس ما قولتي لي اول زول حتحاكموا منو؟؟؟
|
الاخ العزيز..(حمدي الشيخ قونيب)
واسمح لنا ان ندعيك هنا بالمتهم حتي تثبت العكس. . المتهم صاحب العضويه رقم (141).تم تسجيله معنا من اوائل مايو 2008 قد تبدو فتره قصيره لاتستوجب الاستداعاء..الاانها لمن تجي من ود الشيخ لازم نضاعف له العقاب ضعفين..فهو شخص اشتهر بنشاطه الاجتماعي الا هنا (تكاسل)؟؟ من يوم تسجيله ولم يكتب لنا ولا حتي موضوع واحد؟؟؟ حتي المشاركات (الثلاث) فقط اكرر 3..كانت كالاتي ]بموجب التهم اعلاه ندعو المتهم حمدي للمثول في راكوبتنا..ولنشوف مشكلتك شنو؟ نرجو من يعرف موبايل او يقابل المتهم توصيل طلب الحضور في موعد اقصاه يومين |
يوسف تسافر وترجع بالسلامه
كويس انك نوهت ..وهذا المفروض يحصل لكل عضو..يعني البجي مارق من البيت يقول انا ماشي..ولو عندو ظروف نقدرها.. والله لو ماقلت كنت بديك فتره واجهز فائلك. |
السلام عليكم ياست الراكوبةوالضيوف الكييفين كيف حالكم حقيقة داير الجبنة لكن انا زول شنّاف و كلامى كثير وخايف اشرّد الناس واعكّر مزاجها وبعدين بشرب سكر كتير وخايف اخرب ميزانيتكم وتانى ما تنسوا انا طويل وخايف اتكيّف اقوم على حيلى اشلّعها ليكم ساى ده الحامينى الجية ولو بتقبلونى على علاتى بجيكم تب
|
اقتباس:
مرحب بيك..الراكوبه راكوبتك ..المابعجبك فيها (شنفو ..وغيرو) الكليه الحربيه الجهه الوحيده البتشرط الطول للمتقدمين(لاي..السر شنو) راكوبتنا كبييره وسكرنا كثير.. كويس انك جيت عندي مشكله عضو طالبين حضوره..كدي اقري الصفحه الفاتت والمشاركه الفوق دي وبتفهم الحاصل رايك شنو في اخونا حمدي (والذيو كتاار) الا نجيبهم بالطلب والاستدعاء. |
الاخت ساره سلام عليك بحلفك بالله ماتهملي الراكوبه وتخليها فاضيه هي الوحيده بقت لينا ملاز نرتاح فيه من عناء الغربه والله زمان قبل ماتسوي راكوبتك دي كنا بنرحاح مع خواطر اخونا عبد المنعم سعيد ولاكن شايفو الايام دي قلل منها شويه واعتزر بمشغولياتو بالامتحانات
|
اختى الفضلى سااااااااااااااااااااارة شكرا على ترحيبك بى وان شاء الله مستورين دائما وما عندكم ازمات وماعونكم واسع وقلبكم يسع الجميع . اولا :الطول لان القصير يا حكمة يا فتنة والحكمة فى الجيش ما بتنفع ( النظريات والعقل ) والفتنة ترا الانقلابات والمشاكل حقت التمرد دى عشان كدة مابيدوروا القصار ( لم اذكر النقيض للقصار طبعا لانى منهم ) وتانيا بالنسبة لاخونا حمدى اقترج تجازيه بكتابة عشرة مشاركات فى الاسبوع لمد شهر ين . تلفوناتو كتار لا اقول ليك سبعة لا اقول ليك واحد وستين ؟ وبى مناسبة الارقام دى : قالوا فى راجل جبار جبر ما عادى جاهو ولدو قال ليهو يابه داير لى خمسة جنيه . قال ليه: قلت كم؟ اربعة جنيه، التلاتة جنيه ياجنى داير بيها شنو ؟ عندى اتنين جنيه اديك جنيه ؟
|
بسم الله الرحمن الرحيم
مبدأ كل شئ عظيم الاخت العزيزه / ساره بعد التحيه والاحترام فكرة الراكوبه دي اكثر من رائعه والهدف الخفي منها لم يكتشف بعد ! ولكنك لمحتي اليه اكثر من مره لكن كل الشباب الواحد لو جيتو عدل ومرق العندو ما بكون قصر يا اخوانا بالواضح كده عشان تجي وتشرب جبنه تعدل الراس لازم تعمل واحد من اثنين ! 1/ تطرح موضوع عشان يندرش ويدقق ويتغربل وبعدها يكون جاهز للتناول والاستخدام 2/لو ما طرحت موضوع شايف الدفتر الاخضر المجدوع فوق غطا الزير داك تقوم تسجل اسمك فيه وترمي الغرامه في بطن الزير يا اهل الراكوبه الطيب سعيد دا ما فتح موضوع بخص العزابه عليكم الله اتناولوا الموضوع بجديه شديده كعادتكم بس زياده شويه !ّ!!!!! واديك العافيه ياساره |
اقتباس:
والله نحن من يوم سوينا الراكوبه دي منتظرين موضوع جاد والناس كلها تجي تشرب جبنتا وتفوت..موافقين ناقشون موضوع (العزابه.امالهم والمعوقات..)بس الموضوع ده نحن بنسمع سااي الحمد لله نحن مامن الفئه المستهدفه وكمان انا ساكه الناس البسجلو ويزوقو ديل ..واسه منزله اعلان لي حمد ود الشيخ ود قونيب لو في زول شافو يجبو لي راكوبتنا دي نشوف مشكلته الحاميه ما يكتب لينا ولا حتي (موضوع واحد) |
| الساعة الآن 07:24 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir