المشكلة ياصفاء انو الليلة باين عليها فارقة معاي وكان مزاجي ماتمام لكن والله نقتكم دي ردت فينا الروح والواحد حس بنفسو ارتاح شوية وبعدين جدك سفيان ده هرشنا عديل وقال الزول الا يجيب معاهو سكر وبن وكمان دوا قهوة يعني قطع عديل..لكن برضو كتر خيرو لانو حريص علي لمتنا وجايب ليه موضوع مولع نار غايتو يمكن يضمن لي كم فنجان..وموضوعي بمناسبة النقة ليه دايما بقولو المره دي نقناااقة ومابقولو الرجال نقناقين ولا الحكاية حقارة بيكم ياصفاء..

كويس عديل كده
شوف صفاء دي وين افقده
جبت ليك موضع بشرده
ونحن نحنس فيها عشان نقعده
وساره ديك خلت راكوبته خلا
ما فيها زول يقول مرحبتين هلا
ولا ريحة بن مقليه تعشمنا ندخلا
حتي الزير حالو حال الخلا

والله كان كدي حنكنا سنين..كدي الناخد لينا انتكاية قبل الجماعة يكبسو ،انت ياسفيان مسعول من الخير بتفتش لي صفاء وسارة وناسي باقي البنوت القاعدات ديل..حتي الجنيات اديهم معاك لكزة خلينا نطق الحنك ولا شنو

حقيقه حنكك سنين
وكدي قول امييييييييين
يكبسوا عليك بنات وبنين
يخربوا عليك انتكايتك دي الحين
ويكملوا عليك الجبنه وموية الزير
والغياب دا ما عندو غير فد تفسير
الناس دي قالت الروب عديل
غلبهم مواصلة المسير

صراحة ما بقدر ليكم براي ... خلي سارا تجي عشان النقة تكون تمام
وياشيخ ابو سفيان قلنا عدم الموضوع في حد زاتو موضوع
وكده بقوا موضوعين النقة وعدم الموضوع..

احنا خصصنا يوم بكرة لاجتماع الموجودين الصباح
ياريت يابنات تكونوا حاضرات.... عشان شايفة عددنا قليل مقارنة بالرجال ..
بكرة الصباح موعدنا ما تنسوا ..

سلامات
انا جيت.سفيان ماتقول لي جبتي شنو..اصبر الندخل لي جوه واقعد..بعدين بشوف( قفتي) فيها شنو
محمد زين سلامات..صفويه ما لك ما قدرت عليهم براك ولا يهمك انا معاك

اهلا بيكي ياسارا...
شنو يعني ؟ الجماعة ديل مشوا وين ؟؟؟
رايك شنو نشوف لينا موضوع يقعدهم ويلمهم كلهم بكرة الصباح ؟

سارة وصفاء لسانكن طويل ساي وفصاح
عدم موضوعكن جميل بس ليهو ما مرتاح
بتطبخن في حاجه في الظلام بهدو تام وارتياح
صفصف الاستاذة بتجمع فيكن الليله الصباح
وانت ياسارة جيتي الراكوبة شايله قفة الملاح
موضوع ولدالزين شردكن حقيقه ولا ما صاح ؟؟

ناس الراكوبه هاكم الجديد

اعرب جملة ( مرض جنون البقر )

مر : وتعني طعم الجبنه المر اذا ما فيها سكر ( ولد الزين ما جابو)
ض : زائده ولا محل لها من الاعراب
جن : وهل يخفي القمر (الجن معروف )
ون : كلمه افرنجيه وتعني الرقم واحد
الب : اي جبال الالب مرتفعه وكمان فيها ثلج
قر :مشتقه من قرنفل وهو نوع من الزهور
والجمله تعني (ان الجني نمبر ون هو من يطلع جبال الالب ويقطف زهرة القرنفل في عز السقط)

( صفاء امسكي الناس ديل انجليزي وخلي لي العربي)

صفاء انت وين..وعدتي وغبتي؟انا عندي مشكله شبكه
اتفقنا امس يكون موضوعنا..(نقه النسوان) المتهمين بيها نحن..برانا
كده قبل ما ندافع عن نفسنا..انتو الرجال لما يعلبو كوشتينه.او ضمنه..او احيانا" بكون قاعدين ساي في الشوارع او الميدان.زوتلقي واحد ماسك ليه عود ويشخبط في الواطه.
ياربي بيكون بقولو في شنو؟؟بصلو علئ النبي (ص) بس؟
قالو النقه للنسوان بس..
راجعه

ناس الراكوبه هاكم الجديد

اعرب جملة ( [جاء القطار متاخرا )

ج : جاءت في البدايه عشان كده بتبقي مبتداء
اء : اختصار لكلمة آآي وهي تعني الموافقه بلغة اهل السودان
القط : حيوان وليف وهو كان عدو للفار زمان
ار : حرف انجليزي ادخل للجملة للحنكشه وكده يعني
مت : فعل امر بمعني اتلحس
اخرا : فعل صفه مجرور وتعني اخر الجملة
والجملة تعني ( نعم القط يموت اخر شئ )

اولا الناس البتلعب كوتشينه
اكيد شارد من مرتو الشينه
وثانيا الرجال البتلعب ضمنه
زهجان من مراتو وعفنه
وثالثا الرجال البتقعد في الشوارع والميادين
ميه في الميه مرتو ملتو بالفقر والدين
رابعا الماسك عود ويشخبط في الواطه
مليون في الميه مرتو نقناقه وكمان مشاطه

يعني كلهم قاعدين بينقو..ويقطعو.
خلاص ما برانا..والنقه ما حكلرا" علينا بس

اسع ياسارة عليك الله الكلام
دا كلو فيه كلمة نقه واحده

لا طبعا ما صح ..
بالعكس ادانا دفهة حقيقية عشان نبدا النقة بالجد
يااااااااا اللي خلاص بعيدين عن النقة

ياسارا انا جيت الصباح وما لقيت زووووووووووووووووووووول وطلعت
والنقناقين فتحوا الموضوع وراحو وين ما معروف
ياشيخ ابو سفيان انا الانجليزي مااااااااااااااابجي جنبوا تاني عشان الاساتذة ما يزعلوا مني ....
وراكوبتنا ما بتحلى الا بي لهجتنا ... الا اذا كان في اخونا يوسف جا وبدا الكلام ؟

انتو نقتكم بتعرفوها براااااااااااااااكم
بينكم وبين نفسكم ... وده كلو عشان ما في حد يسمعكم ويقول عليكم نقناقين
والنقة اللي بتكون بين الانسان وابليسه بتكون اصعب حاجة ..
اها رايك شنو يا ابو سفيان ما لميت ليك موضوعين في واحد ؟؟
ورااااااااااااااااااجعين

صفاء انا قايلك اقوي من كده

اساسا نحن ما عندنا نقه ولو وصلنا مرحلة ننق
مع انفسنا ولا ابليسنا فتاكدي ان وراء وصولنا لتلك
المرحلة هو النساء

انا طبعا لما طرحت السؤال كان في نيتي ادافع عن النسوان شوية واعتبرت الموضوع فيه شي من الحقارة لكن ياكافي البلا بالجد طلعتن نقناقاااات..وده الخلا رجالكن يشخبتو في الواطة ويهربو للكشتينة والضمنة
وبعدين النقة دي موش مواعيدها الساعة 8 ولا غيرتو المواعيد ياسارة

البركه ياولد الزين
العرفته نقة النسوان زين

قال لها ألم تدركي بأن النـور ذكـر ؟
فقالت له بل أدركت أن الشمس أنثـى ..!
قـال لهـا أوليـس الكـرم ذكــر؟
فقالت له نعم ولكـن الكرامـة أنثـى !
قال لها ألا يعجبـك أن الشِعـر ذكـر؟
فقالت له وأعجبني أكثر أن المشاعر أنثى!
قال لها هل تعلميـن أن العلـم ذكـر؟
فقالت له إنني أعرف أن المعرفة أنثـى

-----------------------------------

قال لها سمعت أحدهم يقول أن الخيانة أنثى.
فقالت له ورأيت أحدهم يكتب أن الغدر ذكر.
قال لها ولكنهم يقولون أن الخديعـة أنثـى.
فقالت له بل هن يقلـن أن الكـذب ذكـر.
قال لها هناك من أكّد لـي أن الحماقـة أنثـى
فقالت له وهنا من أثبت لي أن الغباء ذكـر.
قـال لهـا أنـا أظـن أن الجريمـة أنـثـى.
فقالـت لـه وأنـا أجـزم أن الإثـم ذكـر.
قـال لهـا أنـا تعلمـت أن البشاعـة أنثـى.
فقالـت لـه وأنـا أدركـت أن القبـح ذكر
---------------------------
قال لها يبدو أنك محقة فالطبيعة أنثـى.
فقالت له وأنت قد أصبت فالجمال ذكـر.
قـال لهـا لا بـل السـعـادة أنـثـى.
فقالت له ربمـا ولـكن الحـب ذكـر.
قال لها وأنا أعترف بأن التضحية أنثـى.
فقالت له وأنا أقر بأن الصفـح ذكـر.
قال لها ولكنني على ثقة بأن الدنيا أنثى.
فقالت له وأنا على يقين بأن القلب ذكر.
ولا زال الجـدل قائمـا ً
ولا زالت الفتنة نائمـة
وسيبقى الحوار مستمرا ً طــالــمــا أن . . .
الـسـؤال ذكـــر
والإجـابـة أنـثــى

ولا زال الجـدل قائمـا ً
ولا زالت الفتنة نائمـة
وسيبقى الحوار مستمرا ً طــالــمــا أن . . .
الـسـؤال ذكـــر
والإجـابـة أنـثــى..

عشان مانطول الجدل..احسن نغير الموضوع..ونعمل لينا حصه
كل زول يجي داخل يجيب كلمه انجليزيه اوعربيه ويشرح لنا معناها

انا ابداء.بالانجليزي
1.wonderful
معناها عظيم\great
i usually spend wonderful time in my village site
دوما" اقضي وقتا" ممتعا" في موقع قريتي.
----------
مصححي اللغه خليكم قريبن..وراجعين

والي لقاء قريب ..استودعكم الله
وخليكم مواصلين في الحصص. وفي راكوبتكم
.قد اختفي عن الموقع لفتره..بسب اعاده توصيلات في الشبكه

كده نكون متعادلين ...
والنقة موجودة في الجنسين...
لان حياة الجنسين ما تكون لها طعم بدون نقة الاخر ...
فرايك شنو نشوف موضوع تاني

كلامك جميل ...ورائي من رايك
in my village site ــــــــــ بالـــ t

الـــــغـيرة

اذا كان الحب يخلق الالم احيانا للفراق او تخيل البعد
او هجر الحبيب او عدم الاهتمام او تهاوي الحب واستعداده
للموت كاي انسان
فان الغيرة في الحب تخلق الاما مضاعفة يتعذر علاجها
او سرقة الزمن الجميل للاختباء داخله من نيرانها ومخافة
الاحتراق بها علما ان هذه الالام لم يتوصل العلماء الي اللحظه
لعلاجها او التخفيف من وطاتها ولم تستطيع الكلمات والاغاني
والاصدقاء والهروب ان تضيع مرارة هذا الالم المسمي بالغيرة
فما راي الاخوة والاخوات اعضاء الراكوبة في الغيرة ؟؟؟

سلامات..موضوع جميل
الغيره كملح الطعام القليل منها مهم
وكثرته تفسد ه
وراجعين

انا رايي انو الغيرة دليل صحة وعافية لعاطفة الحب وتعبير حقيقي عن عظم هذا الشعور ونوع من الاهتمام بالطرف الاخر وهي مطلوبة ولكن يجب مقاومة الاحساس بيها واظهارها بصورة معقولة بحيث لا تؤدي الي نتائج عكسية تعصف بالعلاقة بين الشريكين..

مرحبتين ساره
موضوع النقه عملتي فيها الشبكه كعبه
وموضوع الغيره ده قلتي راجعين
طيب الموضوع البخليك انت وصفاء
توفن بوعدكن قولنوا عديل ونحن بنفتي
ليكن فيه المهم عندنا راكوبتكن دي بعد
ما اشتغلت وجابت دخل كويس ما دايرين
الزباين يهربو منها لست شاي تانيه
ودمتي ودامت روعتك
وبرضو راجعيييييييين

مرحبتين
والله ما شاردين ...ليس لان المنتدي رائع وراكوبتنا عاجبنا فحسب
ولكن لانو ما في موضوع بيقلبنا نرود (وننق ) فيه
مشكلتي النت توصيلاته معقده شويه يعني نظام كيبولات
واسه الوصلات تعبت ودابت بسبب المطر ..فبقطع كل شويه
الاتتغير كلها .قريبا" وحينها سافقد النت لعده اسابيع
( اه شرحنا الحكايه بالتفصيل عشان ما تقولو شاردين)

اه انت عرفنا ليك سبب ولقيناك بظرونك
وانشاء الله مطر خير وبركة القطع سلوكك
وبعد تغيري التوصيلات خلينا نشفوك
عشان تنوري المنتدي وراكوبتك وضيوفك
بس لازم تجينا بموضوع جديد مزدان بحروفك
ودمتي ودامت روعتك

الكلام ده ما كلام مطر ولا خراب توصيله نت الكلام ده بلديه ساكت ، ومعاك صفاء الله يستر بكون بيناتكم قطيعه تخرب البيوت الله يكدب الشينه.

العزيز عادل
والله الراكوبة دي مشتاقه ليك عديل كده
يا اخوي انشاءالله خير الغيبه الطويله دي
مشتاقين لمواضيعك ومداخلاتك الحلوه
ودمت ودامت روعتك

[quote=عادل علي يوسف;7228]الكلام ده ما كلام مطر ولا خراب توصيله نت الكلام ده بلديه ساكت ، ومعاك صفاء الله يستر بكون بيناتكم قطيعه تخرب البيوت الله يكدب الشينه.[/quot

سلات ياعادل اخيرا" ظهرت..مرحبتييين

ابدا" ما بندبر في اي ش بس بنجاول نجمع اكبر عدد من العضوات في المنتدي.وننسق فتره تواجدنا مع بعض (وبس؟؟)
وبعد ذلك يحصل خير انشالله

ساره ازيك
والله فيك الخير وانشاءالله بعد
تجمعي العضوات تخلوا لينا المنتدي
دا يبرق ويلمع واياكن والنقه عاوزين
مواضيع ساخنه تحرك المنتدي شويه
اصلي حاسس ان المنتدي اصابه بعض
الخمول ولا رايك شنو
ودمتي ودامت روعتك

سلامات ابوسفيان وعادل
وفعلا" المنتدي يمر بحاله خمووووووول
لادري مالسبب
حتي بوست الغائب ماعرفين نسال عن منو؟ولا منو؟؟معظمهم غائبين
انشالله خير .

العزيزة سارة

بداية المشوار متاحة لكل البشر
ولكن مواصلة المشوار مسألة فيها نظر

بعد السلام
والله يا اختي ساره اشتقنا لجبنتك ...بس شكلك كده مشغوله شويه ....ولا عشان نحنا عزابه ما عارف....!!!!لك مني وافر الود والتقدير....ودمتم