|
ناس الراكوبه سلام . مالها ترابها كتير ومغبره . وبنابرا عايزه وسار حتى ترابيز الجبنه مكسره الشغلانه دى عايزه المغتربين يشدو حيلهم معانا شويه يلا مساهمات . انا قاينو قشيتها . اول داخل يبدا الترعات ياربى منو يكون . كوثر يوسف عبد الصادق موظفه برأسة محلية الحصاحيصا متزوجه ولدى خمسه اطفال امل ؟ محمد ؟ ملهم ؟ اثار ؟ يوسف السكن الحى الشمالى حى الجنينه سابقا |
سلام يا كوثر
يلا ولعي النار وننتظر سارة تجيب البن |
يا جماعة مسئولين من الخير
وين سامر ابايزيد ( صاحب الجبنة باللبن ) |
اقتباس:
|
صديق ومعتز اتمنيت القاكم فى الراكوبه . اخدت لى مرقه صغيره مع انى كنت مصره اضيف كل الداخل شايفاكم سالتو على سامر اهاا انا ما وقع لى ود منو فى الحله وشايفاكم شكرتو جبنتو . الرجاء الافاده اقرب متداخل . |
حأسأل عن بلد رايح
وافتش عن بلد سايح واسأل عن امانينا اللي ما بتدينا صوت صايح وأسأل وين مخابينا إذا جانا الزمن لا فح واسأل عن بلد مجروح وعارف الجارحو ليه جارح وابكى على بلد ممدوح وعارف المادحو ما مادح واحلم بي حلم مسروق لا هو الليلة لا امبارح عذراً اختي العزيزة كوثر لهذا المدخل الرمادي ولكنها ابوفروع الوطن البي اسمو كتبنا ورطنا اتمني وانت زولة ناشطه في مجال التواصل ان تجعلي هذه الراكوبة خيمة تنطلق منها الابداعات والمشروعات والانجازات عشان الواحد لمن يشرب ليهو كوز مويه باااااااارد من الزير الجديد ويعقبو بي فنجان جبنه راسو تايمو بيجي وبيفكر كويس وبيطلع الافكار الجميلة لك كل الممكن وبعض المستحيل ويلا اديني فنجاني داااااااااااااااااااااااااك |
حبابك كوثر
أخونا سامر أبايزيد من أب جويلي ، قريب الإخ عبد المحمود بشير، وصديق للجميع هنا وهو من الأعضاء المميزين في المنتدى وكان مشارك بصفة دائمة ومقيم بهولندا نتمنى أن نسمع عنه كل خير ويرجع يكتب من جديد والراكوبة في انتظاره مع الجبنة بس في غبار الأيام دي لازم تترش بالموية من بدري :):) |
ابوسفيان ابراهيم والله زمن . ياخى الجابك يجيب عقابك . لينا زمن نفتش ليك وجيتنا الليله . والله من بعيييييييييد قلت فى ريحة ناس مغتربين دخلو . لانو شكلها مهبهبه ومرطبه تحياتى ليك ولاخونا معتز حسن دياب . والله يا معتز شليتونى بالاسم الغريب القريب على حد قولكم . ياريت من هولندا كان ما فيها بن يرسل لينا لبن مبستر . لزوم الفرنسى . ربنا يديكم العافيه ويستر غربتكم . ومن المقترحات . اتمنى يحدد زمن يخلينا نتلمى فى راكوبتنا ونخلق جو ابوفروعى اصيل تحياتى ليك ودابراهيم تحياتى ليك ودحسن دياب . ومحتاجين طقم ترابيز وبنابر جديده . وما عارفه ساره الماخرها شنو مفتاح صندوق العده عندها . |
أخونا سامر زار أبوفروع كتير وله صداقات متعددة، نتمنى عودته
وميعاد الجبنة أصلاً الضهرية ، وكل يوم قاعدين بإذن الله ومن الأوائل وعنقريب هباااابي |
http://img105.herosh.com/2012/03/21/632439687.gif
الغالية كوثر والاخوه المتداخلين منورين راكوبتكم واسفة للانقطاع ..وقديطول لاسباب في الشغل اه يا كوثر والاخوه اتوصو بي الراكوبة خير وي كوثر عدتها بره لافيها دولاب ولا مفتاح بالمناسبة مفروض العدة تتخت في دولاب ولا (سحارة) تبع الثرتيات وهي كصندوق يحفظ فيه الاشياء بس ما متاكده كدولاب هدوم ..او عدة ودي صورة السحارة http://www3.0zz0.com/2012/03/21/07/654398335.jpg |
| الساعة الآن 01:19 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir