:::: منتديات أبو فروع :::: - تكريم المتفوقين في الشهادة السودانية

:::: منتديات أبو فروع :::: (http://www.abofru.net/vb/index.php)

- منتدى القضايا العامة بأبو فروع (http://www.abofru.net/vb/forumdisplay.php?f=6)

- - تكريم المتفوقين في الشهادة السودانية (http://www.abofru.net/vb/showthread.php?t=4326)

اقتباس:

المشاركة الأصلية كتبت بواسطة شايقيه (المشاركة 20216)

السلام عليكم ورحمة الله
الاخوه اعضاء منتديات ابوفروع
تدعوكم رابطة ابناء منتديات ابوفروع داخل السودان لحضور اجتماع في غاية الاهميه لمناقشة تكريم المتفوقين وذللك يو الجمعه الموافق19/7/2013
الساعه التاسعه صباحا بمنزل محمد احمد الشايقي
ودمتم

الاخت اسراء تحية طيبة
ما اظن يكون في اقبال لان الوقت غير مناسب
خاصة في رمضان ويوم جمعه والساعه 9 ص افتكر صعبة شوية
يعني لو كان بعد التراويح يكون احسن
تحياتي

الاخ محمد بالعكس كلهم رفضو بعد التراويح بحجة الزمن ضيق ويوم الجمعه يوم إجازه
بعدين ح يكون اجتماع واحد والاسبوع الاخير في رمضان بكون مزدحم عشان كده اخترنا9ص لنفضل اكتر وقت ممكن
والحمد الله لحدي الان كل الناس موافقه وبتأكد الحضور

اقتباس:

المشاركة الأصلية كتبت بواسطة شايقيه (المشاركة 20235)

طيب اخت اسراء نورينا على ما دار في الاجتماع

مرتضي علي الزبير (ودالشام) مليون جنيه تبرع خاص للمتفوق عبدالحليم الحسين
300ريال للتكريم

السلام عليكم ورحمة الله
الاخوه الاعضاء تحيه طيبه
يوم الامس الجمعه الساعه 10كان موعدنا على اجتماع ضم بعض اعضاء المنتدى داخل الحله وهم :
هناء الماحي/إسراء كمال/كوثر يوسف/احمد إمام/محمد احمد الزين/عادل علي يوسف/ولظروف طارئه غاب مننا الاستاذ ايمن محمد صالح و عماد محمد الماحي

إبتداء الحوار بالنقاش في اليوم المحدد للتكريم والذي قرر له يوم العيد الساعه5عصرا" وكان رأي الاخوه الاعضاء تأجيله الى اليوم الثاني و ذللك لصعوبة العمل و التجهيز يوم العيد.

اما البند الثاني وكانت القنبله هههههههه وهي حصر منصرفات التكريم ممثله في الضيافه /والصيوان والكراسي والترابيز /والدعوات/ الساوند والاورغن /والدعوات /بالاضافه لاقتراح كان من بعض الاعضاء تقديم مبلغ مادي بسيط يقدم كهديه للمتفوقين لان التكريم السابق قدمت فيه.
وكان إجمالي المبلغ حوالي7.360

مع العلم يمكن تقليل التكلفه بتقليل المنصرفات

شباب مساء الخير /لسه ماعرفنا رقم حساب نودع فيهو مساهمتنا في هذا التكريم لو في اي واحد من الشباب يعرف رقم احد اعضاء لجنة التكريم في السعوديه اوافينا بيهو علي وجه السرع (نعلن عن تبرعنا بمبلغ 100 ريال ) وربنا يجعلو في ميزان حسناتكم

ليبقى عالياً

اخونا معتز السلام عليكم انشاءالله بخير وصحه /بخصوص مساهمتنا في تكريم متفوقي الشهاده السودانيه لم نعرف حتي هذه اللحظه اين يمكننا ايداع المساهمه لو بتعرف طريقة نوصل بيها مساهمتنا نرجو افادتنا ونكون شاكرين لك وربنا يجعلو في ميزان حسناتكم وحسناة الجميع

حياك الله هاشم وربنا يخلف عليكم
سيتم الاتصال بكم من قبل المهندس/ صديق عبد الرازق

وقد أرسلت لك رسالة برقم الحساب واسم البنك

..
..

الشكر والتقدير للأخوة لدعمهم برنامج تكريم الطلبة المتفوقين وربنا يخلف عليهم بالخير والبركة
1-محمد عوض سليمان : 200.00 جنيه
2-مرتضى الزبير ود الشام :650.00 جنيه
3-محمد الزين حاج الامام :500.00 جنيه
4-طه الشيخ قونيب :300.00 جنيه
5-النور الامام العالم : 300.00 جنيه
6-علم الدين خالد الامام : 300.00 جنيه