|
مافي حتي رساله واحده
بيها أصبر شويه والوعد بيناتنا إنك كل يوم تكتب اليا هل يجوز والغربه حاره بالخطاب تبخل عليا لما أخر مره شفتك قبل ماأودع وأغادر كنت حاسس إني خايف إني متردد وحاير داير أصبر أمامك داير أضحك ماني قادر بس دموعك لما فاضت ضيعت صبري الشويه صحت موعدنا الرسايل وين رسايلك وين كتاباتك اليا صرت بعدك ياحبيبي ذره في بحر الزمن بعت للألام مواهبي بعتها باأبخس ثمن وحشه مابتعرف رسايل غربه عن أرض الوطن بس أامل واحد بعيشو لو رساله تصل اليا بيها إطمن عليكم بس حرام تبخل عليا |
مانع طيفك لي لا يغازل داخل قلبي انا ليك منازل
يا لايم لا تبقي هازل انا في الحب لي روحي بازل انت بي حالة سهري جاهل دي الانجم فأسأل سهيلة لي طيفك ما لقيت وسائل غير بسط النسمات رسائل اعجب شي و اغرب مسائل حلم الصاحي و دمعه سايل لو شكيت في امري سائل البدرين كونك مثيله |
هواك لازال بواليني ...
خيالك جوه في عيوني.. لكن إنت ناسيني .... وأنا الأشواقي ليك زايدين.. يـا غايـب عـن الـعـين ... أنت مـوجـود فـي عـيـنـي الاتـنـيـن |
ناقم علي الايام
مع انه طبعي صفوح انا و الخيال في جدال و انت بنداك منفوح كل ما النسيم يغشاك زي الحديقة تفوح رايق كحيل نعسان انسان رقيق و جموح ساحر العيون بجمال لسواك ما ممنوح ان كان تميس بنميس ان كان تموح بنموح عدل الطبيعة جعل جور الحبيب مسموح |
حبيبي آه ** أنا قلبي تاه في يوم الزياره
الدنيا وعمارا و الجنة و نعيما بزهورا و ثمارا الناصع بياضا و الخاطف صفارها و الفاتح حمارها فصود في خدود يضون و خدود بدون أماره يرسلوا نور ملون أحمر أخضر أصفر فاتن يا سماره إلتفت و أهداني نظرة بزري بالزهر و إزدهارا مثلت فيها الوداعه و خفة الروح و المهاره دا الجذب قلبي بي فنه نظرة مني ونظرة منه و إرتفعت الحراره و إلتهبت العواطف و أصل النار شراره |
هزتنا في عينيك تصاوير المنى
يا امنيات من كم سنة و يا اغنيات كل الاماسي المستحيلة و ممكنة |
تحرمنى منك
والمواعيد لا بتشيل منـّك .. تودِّى لا الشجن قادر قادر يسوقنى عليك .. أعدِّى لا التحايا ولا المشاعر الحيـّة فى عمق الحنايا لا رسالة تجينى منـّك لا خبر طمنـِّى عنك وإنت سايق فينى ظنك رغم إنك .. إنت عارف إنـّو منك .. لا الزمن يقدر يحول قلبى عنك لا المسافة ولا الخيال يشغلنى منك |
كنت تحلم بالسعادة في كلمة ومدة
و هي غير ما انت فاكر وهي في نبضة مشاعر في القلوب الما بترد اي طارق اي زائر شايلة هم الدنيا زادة و مالية كل الكون بشاير |
رحت في حالك نسيتني
وأعتبرته الماضي فات لما آنت خلاص نسيتني ليه بتحكيي الذكريات ذكرياتنا مهما كانت. برضو ترديدها بيألم ليه بديت آنت البعاد وآنت عارف كيف بيألم رميتني بنيران صدودك آنا ثاني من بعد عهودك أنا بحاول أنسى ريدك وأنسى ماضي الذكريات |
تستاهلي العرش البشيل
حسنك يطوف بيك العصور تستاهلي و يمر بيك عبر الزمان شان تمرحي و تتخيلي |
يا قائد الأسطول تخضع لك الفرسان
ياذو الفخار والطول أرحم بنى الإنسان مين لسماك يطول ما يطولك اللمسان معناك شرحه يطول والله يا إنسان أصدق كفانا مطول ياذو الحسن إحسان أنا عقلى بيك مختول والناس عقول ولسان ما بنكر المعقول آمنت بالأيمان بالطلسم المصقول بدل لخوفى أمان بالنور سحرت عقول كانت صميمة زمان يا من تحق القول قتل النفوس حرمان |
نسي أول مره لاقاني في شبابو
كل مايدلل يذيد إعجابي بيهو وكنت شايف الجنه في نظرات عينيه وكل أسباب السعاده الكنت بتمناها ليه كان جميل لو قليو دا يرحم عذابي الجميل أنا شايفو عايش في خطابي كل لحظات عمرو وأيامو الجميله خاول يخفي نفسو ويدلل عليا |
أحاول مره بس أنساك
عشان ياغاليه أذكر أجي والقاك ديمه معاي وألقي هواك ملك دنياي وفي أعاقي إتحكر |
رسل ليّ هدية لطيفة خليت قلبي يحن ويميل
حرير أبيض مشغول بي قطيفه صورة قلبي وسهم نحيل انت جميل والجابك لي ملاك وجميل يـــا منديل هديه من إيدك مقبولة معناها انيّ على بالك ونعيد الايام الأولى وأتأمل حُسنك وجمالك انت جميل والجابك ليّ ملاك وجميل |
لي حق اذا اتهمت
فؤادي عندك انت يا حبيبي انا بيك افتتنت زىنقشة الخواتم في نظري اترسمت |
تتبدل مع الأيام حرام يا غالى تتنكر
ونتقابل بدون كلمات ولا لمسة حنان تسأل ربيعى جفت أزهارو جفنى الليلة إتبلل نسيتنا خلاص بننساك يوم اتذكر تحاول تستعيد عشك تلقي الليل عليك يسهر وياما الليل يطول بيك علي الضيعتو تتحسر حرام يا غالى تتنكر مصيرك بكره تطرانا ومصيروا زمانك يتغير تجيني ويحضنك قلبى اقول ما كنتا تتنكر ودموع الحسره لو بتجيب الضيعتو كان أكتر حرام يا غالى تتنكر |
روح معاك عمر الهنا
يا الفرقتك تمت سنة هي شوية من عمر الزمان لكن كتيرة علي انا |
أجمل حبيب للروح
قلبى اصطفاك وماقادر أعرف أيه أسباب جفاك الزاهى لونك حبيت عيونك وعشقت طبعك وجمال فنونك ورد الخميله ناضرة وجميلة بالفل عبيرها ومالى غيره أنا ليك وافى وانت المجافى أيه أسباب جفاك بعيش ليالى فى خيالى ديمه ونعيش حياتنا هانيه ونعيمه |
هانت الايام عليك و الا هنت عليك انا
وين حنانك يا حنين وين عيونا من الهنا عدت و راحت كم سنة هانت الايام عليك و هان عليك حبي وودادي كلما حاولت تبعد بجري عليك و انادي ليه تقول دايما ظلمتك و انت ديمة بظلمي بادي |
يامن أحبك وأصطفيك
أنا لي روح مفتونه بيك حلم الربيع بمظهرك يأسر لكل من ينظرك ياأسمي أيات الوجود كل الجمال وهبوه ليك وشالوا السحر من مقلتيك خلقوك آيه من الجمال رقه ورشاقه وطيب خصال |
ليه بتسأل عني تاني بعد ما شلت الأماني
رحت خليتني لزماني انت عارفه علىّ جاني لو بتفتكر الليالي تداوي غلبي ولا تاني ترجع الافراح لقلبي انت واهم يا حبيبي دي اللـــيالي أمــرَّ ليّ من دموعي الفي عينيه وكل لحظـــة تمـر عليّ تنقص الأيام شويه وتطفي شمعاتي القليله وأفضل أبكي وأقول حليله في الدمـوع أنا كل ليله أدفن أشواقي وحناني من حياتك ســرّ حياتي كنــت أجمــل أمنياتي عهــدي راح ما اظنه آتي وما فضل غير اغنياتي مرة أضحـك ومرة أبكي مــرَّة اتحـمّل أســاي مرّة أهــرب منُّه واشكي واعتبـــر حبّك حكـاية وعشــت فيها بكل روحي وارتضيت سهديّ وجروحي كنت داري وكنت دوحي وانطفيت يا نــور زمــاني |
يا غالية يا زينة حياتي مشتاق لشوفتك لي زمن
و انتي عارفة شبابي كل وهبتو لحبك تمن من بعدك انتي يعيش منو مين تاني مين بتمني العمر |
روحي ملكك ولا ملكي
سيبني أبكي..سيبني أشكي غير تبكي الناس وحاتك عمري ما شفتك بتبكي لو تجيب القمرة ليّا والشمس ما بين ايديّا مستحيل تقبل عينيا ترضى من عندك أسية تبقى واهم لو تفكر تاني تتحكم عليا ليك زمانك ولي زماني انت مالك ومال حناني وليه عليك أبني الأماني الأماني مضيعاني سيبني وحدي مع دموعي أبكي مرة و أبكي تاني |
يا فتاتي ما للهوى بلد كل قلب في الحب يبترد
و انا ما خلقت في وطن في حماه الحب مطهد آ لأن السواد يغمرني ليس لي فيه يا فتاتي يد |
دائما أطيب خاطرك الغالي وأسامحك لو نسيت
ودعت من يهواك وقلبه بقربك مهما نئيت كم مرة كم حاول يفرق بينا حاسد أو عــزول كم مره قالوا جنيت عليه بدلت ضوء أيامو ليل لكني يا نور العذراى أنا ما بضيع حبى قول تلقانى دايماً في رجاك وغناي في حبك رسول أسال عليك الليل ونجمه وحتى أنوار الصباح وكل طائر في سماه أسال مشاعرك عن هوانا وليه حنانك لى راح |
حسيت معاني الفرقه حسيت
بالوجود مأخد سواد من حنتك شفت الدموع خلف الرموش مقرونه بي حسره وضياع ورعشة الكف الخضيب ممهوره بي نظرة وداع جابو القدر لي سكتك |
كلامك لما تتكلم
نتوه نسرح بعيد نحلم وآه تلقانا ما بنقدر نجيب الروح عشان نتلم أي كلام تقولو حلو منو البسمع كلام بدلو تكون دي رسالة للعاشقين لي ناس لسع ما سألو |
ياجوهر صدر المحافل
جوهر صدر المحافل :
ياجوهر صدر المحافل روحي معاك اتلطفيله مالدور الفي حليه رافل في حكمك لقلوبنا قافل كالظبي الفي مقيله غافل تارة يميل والتانية جافل وجه ينور والبدر آفل فوق للبدر يزيد نفيله ليك جوز عين نعسان وكاحل زي وجدي اللي جسمي ناحل بحر الشوق ماليه ساحل بنسب نوحي علي البلابل وانتي القمره بتنسبيله الغصن البتنى مايل طيره ينوح بي غصنه مايل أهوى نسيم لي فكري شاتل الأسد الفي القيد يناتل يتأكد ماليه كاتل غير مكحول ظبي النتيله المرنوع بي كنفه هادل درعه يميل بي خصره جادل أنا نايم والليل سادل شرط الحاكم يبقى عادل مايمنع طيفك يغازل أنا في الحب لي روحي بازل داخل قلبي ليك منازل يا لايم لاتبقى هازل هل عاشق يسمع لعادل خلي نصيحتك عني زيله يوقد شوقي ودمعي هامل جمر الحب لي جسمي شاعل كيف لا تشعل في مشاعل لو الدهر بي حالي جاهل في الأنجم أسأل سهيلة أنا في الريد مالقيت وسائل غير بث النسمات وسايل أغرب شي وعجبنا سايل حلم الصاحي ودمعه سايل لو شكيت في أمري سائل البدري كونك مثيله يوقد شوقي ودمعي هامل جمر الحب لي جسمي شاعل ضاق بي الكون مع إنه ماهل دمي يخضب للأنامل هل يرضيك كدا ياجميله هل يرضيك كدا ياجميله هل يرضيك كدا ياجميله |
هلّا رحمت متيماً
عصفت به الأشواق وهنا وهفت به الذكري فطاف مع الدجي مغنيً فمغني |
ياناسي وفاك هواي و هواك
جايين سوا انت الدوا بهوى رضاك بتمناك و بشتاق ليك و من عينيك بغير عليك كيف انساك وانا في لوعة و انت ملاك زايد روعة بس يا جميل حاسب و اوعى لاني كتير عليك بغير طول عمري و ايامي السبعة |
همساتو تحنان القماري
الراجعه للعش والضني نظراتو كيفن أوصفا دي الفي عيوني مدونه بسماتو لو شفتو البروق لحظة تشع ترشع سنا تضوي والليل ينهزم محبوبي وقتين يبتسم الدنيا ياناس تنقسم الفرحه تملاها وتزعرد فيها والشوق يرتسم يوم جانا شايل خطاه ودا الكايسنوا لاح ضحكن نجومه وغني قمرو معانا للصباح |
حبيبي اكتب لي و انا اكتب ليك
بالحاصل بي و الحاصل بيك الحاصل بي انا شوق و حنين و اقيم الليل اهات و انين فارقني حبيب آلفني سنين تحكم بيني و بينو البين ما ليك امان يا دا الزمان يا ليالي زمان الله عليك اذكر جلوسنا علي الربى و نستعرض اسراب الظبا نسمع لهمسات الصبأ = (الحب) و نحن في فجر الصبا = (الشباب) ابسم اليك تبسم معاي تسمع غناي مع صوت الناي و انا يا مناي الطول حياتي بغني ليه |
هواهو هوايا .. وشوفتو منايا
جميل بس أيــه حكايتو حكاية شغل بالي .. القربو يحنن .. البعدو يجنن الهين ولين .. وديع وحنين شغل بالي .. |
يا غالية يا نبع الحنان
يا درة يا ست الحسان انا شوقي ليك فاق الظنون و احساسي باقي مع الزمان |
نسيان الريد عندك ساهل
وأكتر من كده تعمل زعلان لوكنت معاك انا متساهل وبعامل فيك بي روح فنان ليه تجرح إحساسي المرهف أنا برضك في الاخر إنسان |
نسيتي ليل اذ كنا نفدي النفس بالنفس
وداعا روضتي الغناء وداعا معبدي القدسي طويت الماضي في قلبي و عشت على صدى الذكرى وهذا الدمع قد ينبئ بظلم المهجة الحيرى فلما لم اجد سلوى كسرت ابريقي و الدن =( الدن انا فخاري لحمل المشروبات) و سكبت علي الثري كأسي وداعا روضتي الغناء وداعا معبدي القدسي |
يامخلوق بلون الطيف
أوصف فيك اوصف كيف يالحيرت أوصافي يالسر العميق خافي بحر ماطالتو مرافي وأبلغ من وصف شاعر عشان يتختا في قوافي منك تبتدئ الريده وبعدك ريده جد مافي |
يا مطر عِز الحريق
يا مصابيح الطريق يا المراكبيى البتجبِد .. من فك الموج الغريق جينا ليك والشوق دفرنا يا نشوق روحنا ودمَرنا يا المحطات الحنينى القصّرت مشوار سفرنا ياما شايلك بينى حايم لا الليالى المخمليى لا العمارات السوامق .. لا الأسامي الأجنبيى |
يا نا الزمان ياناس بس السنين بتمر
تسقي السعادة بي كاس و بكاس بتسقي المر |
رحلت وجيت في بعدك لقيت كل الأرض منفا
|
| الساعة الآن 04:53 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir