|
عماد منووووووووووووور الراكوبه و إتفضل خش جوه عدت الجبنه هسي بنلمها ودي جبنه 100% جبنه شايقيه لا بتنفات ولا بتتعوض |
ابوسفيان اخوى شهيتنى الجبنه وهدى انتكيت وحرمت الكواسه والهمله من بيت لبيت قول للعمده داك يرجع يجيب الزيت حرمانه المرقه تانى والسبعاوى فى الايد تسلم يا ابو سفيان تنى تنى راجينك |
اهل الراكوبه سلام عليكم يابنات مسعولات من الخير خباركن بتخلن الراكوبه فاضيه مافيها زول استقبل الجاي دحين ماكانت الماسكه الراكوبه دي ساره بت كمال خباره ماقاعده تجي باقي انا طولت من الراكوبه وانتي هول منو بت كمال السر اي بلحيل بعرفو وديك هول منو بت يوسف ودعبد الصادق اي بخبرو تب كدي اديني مويه ساقطه من التيبار دا وعقباتن بعد الجبنه تقضي عطيني ليها مسراع يابت يوسف سوالجبنه
|
اقتباس:
ودي حقيقة سمعتها زمااااااااان من عمنا العوض شفطه من فنجانه احسن من حقن وحبوب ومعوض وكمان تخلي قعود ابل الهجن يروق ويتروض ( كلمة معوض اقصد بها الدرب الذي يعطي لمن يفقد سوايل والقعود هو الحاشي الصغير الذي لم يتم ترويضه بعد ) |
اقتباس:
ام زوقا رفيع طيبه وادب وكمان حساسه ما تبطلي الهمله والمرقه والكواسه وما تحرمي ناس انتي روحه وانفاسه |
أ / اليك امدد يد التحنان والشوق الرهيب
ب / بداخلي تسكنين وتتربعين يا اعز حبيب و / ومنك استمد العزم في الزمن العصيب ف / فيا جرحي الدامي وبلسمي والطبيب ر / رحلت عنك ولكل منا في العذاب نصيب و / ونصيبي ان اعيش في الدنيا كالغريب ع / علما بانك في جواي اقرب من قريب |
راكوبة الهنا البلرمال مفروشة
مزيونة وجميلة وبالعفة بس معروشة بالطيب والمسك والله بس مرشــوشة بدعوات أهلنا دايماً تقول محروسة نضييييييفة وسمحة بالسعف مكشوشة سوِّى الجبنة ياسارة الرايقة مك ملبوشة كبِّى لى فنجان من راسى يشيل الدوشة |
يا جماعة الراكوبة فاضية الحاصل شنو ؟
البرد شديد والا شنو ؟ |
يا ناس الراكوبه وينكم طشيتو يلا الجبنه راجياكم
|
كبي يا الشايقية فنجان بدون سكر
|
مرحب ياهندسه حبابك فنجان وتني كمان
|
يابشمهندس خبارك بتشرب القهوة من غير سكر أنت لي هسع في عز الشباب
كدي كوبي لي فنجان يا اسراء النشوفك بتعرفي تعملي القهوة |
الناس دي مشت وين !؟!؟!؟
|
السلام عليكم ورحمة الله
معقول الراكوبه دي فاضيه كده؟؟؟؟؟؟؟؟؟؟ |
سلام عليكم اهلنا في الراكوبه
|
السلام عليكم ورحمة الله وبركاته
وكل عام وانتم بخير اين اهل الراكوبة ؟ |
بسم الله الرحمن الرحيم
السلام عليكم و رحمة الله تعالى و بركاته الاخ صديق / الحمد لله على حضورك بعد طول الغياب safeshare.tv/w/ss5675b74d6fd3a |
السلام عليكم اعضاء المنتدي واهلي الكرام واسفة لانقطاع..لكن هي ضريبة العودة للوطن وكنت الوم حواء ابوفروع وانا قليلة المشاركة ف المنتدي. لكن لما عشت الحالة ادرت عظم المسؤلية. غير البيتة / والولاد ومتابعتهم دراستهم ووو بجد كل شئ هنا مضاااعف اضعاف..وخصوصا لو كان الوالد مغترب..تكون بتحمل هم مسؤليتين يج عليها عب عمل ودوام..وكمان اجتماعيات والله المستعان..ليس هي اعزار للعزوف عن المشاركة لكن فقط ظروف.ان شالله بتنظيم الوقت ووضع المشاىكة ف المنتدي من الواجبات بستمر التواصل. ولسا ملاحظ عدد الزوار'( المتاوقين من برة )اكثر من عدد الاعضاء الموجودين. واكيد انت لو ما من ابوفروع او ماليك صله بيها مابتكون زائر..عشان كدة حبابكم وادخلو بالباب..(بتسجيل الدخول)ودمتم سالمين
|
| الساعة الآن 10:26 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir